МБОУ "Амикеевская ООШ" Муслюмовского муниципального района РТ/ ТР Мөслим муниципаль районы Әмәкәй төп гомуми белем бирү мәктәбе
Образование · 19 июня 2026 г.
Әмәкәй мәктәбенең җиләк бакчасы турында "Авыл утлары" газетасына язган идек. Бүген анда... — 19 июня 2026 г. в 14:43:32.348
Әмәкәй мәктәбенең җиләк бакчасы турында "Авыл утлары" газетасына язган идек. Бүген анда кызу урак өсте. Күрегез әле. Бакча җиләге мәктәп бакчасының яртысын били. Бүген мәктәпкә алып килә торган юл буе җиләк исенә күмелгән. Язын һәм көзен рәт арасын мотоблок белән эшкәртәләр. Ел саен уңыш җыярлык итеп, кишәрлекләрне 2-3 елга бер яңартып торалар. Җиләкне техник персонал, практика узучы балалар җыя. Алардан кайнатма ясыйлар, төеп, туңдыргычта да саклыйлар. Шул рәвешле Әмәкәй укучылары кыш буена үзләре үстергән кура җиләге, кара һәм кызыл карлыган, бакча җиләге кайнатмалары белән витаминлы чәй эчә. Ел да 90-100 төп кәбестә үстерәләр. Алардан кыш буе диярлек салатлар ясыйлар икән. Көздән трактор белән сөрелгән, язын мотоблок белән йомшартылган җирдә суган, кишер, кызыл чөгендер, сарымсак үстерәләр. Алары да мәктәп ашханәсендә кулланыла. Фотолар - Әмәкәй мәктәбеннән. #Мөслим_мәгарифе