Бүген Олы Яке мәктәбе коллективы, укучылар Бөек Ватан сугышында Җиңүнең 81 еллыгына баг... — 9 мая 2026 г. в 16:03:52.863
Бүген Олы Яке мәктәбе коллективы, укучылар Бөек Ватан сугышында Җиңүнең 81 еллыгына багышланган тантаналы митингта катнаштылар. Чара һәлак булган авылдашларыбызга куелган һәйкәл янындагы мәйданнарда Олы Яке, Каратмән, Уразлы авылларында узды. Митингны Олы Яке авыл җирлеге башлыгы Фәйзуллина Фирая Габделбарый кызы ачты. Чара барышында сугыш еллары вакыйгалары һәм Бөек Җиңүгә нинди тырышлык белән ирешелгәне, тыл хезмәтчәннәренең, сугыш чоры балаларының язмышы, махсус хәрби операциядә һәлак булган авылдашларыбыз турында да искә төшердек. Җиңү өчен гомерләрен биргәннәр истәлегенә бер минут тынлык игълан ителде, укучылар һәйкәлгә чәчәкләр салды, "Үлемсез полк " акциясендә катнаштылар. Бәйрәм укучылар көче белән әзерләнгән концерт номерлары белән дәвам итте. һәр авылда кыр кухнясы эшләде. Кайнар чәй һәм һәркем яратып ашый торган солдат боткасы бәйрәмнең матур ахыры булды, кешеләрне бер өстәл артына берләштерде. Барлык авылдашларны, әти-әниләрне, укучыларны, укытучыларны бәйрәм белән котлыйбыз! Сәламәтлек, шатлык, бәхет һәм озын гомер телибез! Дөньялар тыныч булсын, якын кешеләрегезнең кайгыртуын тоеп, исәнлектә-иминлектә, тыныч , аяз күк астында яшәргә насыйп булсын!