«Мастерица» бөлгүмүнге хөй чылдарда ажылдаан — 17 апреля 2026 г. в 05:51:16.564
«Мастерица» бөлгүмүнге хөй чылдарда ажылдаан Юлия Николаевна Чадамба школаның немелде өөредилге төвүнге барык 25 чыл дургузунда ажылдаан. Ол 2000 чылдарның эгезинден тура, 2021-2022 өөредилге чылынга чедир «Мастерица» бөлгүмүнүң башкызы болуп ажылдаан. Оон аңгыда ыры-танцы бөлгүмнериниң кедер хептерин дааражып турган. «Бөлгүмүмге кээп турган уруглар дыка сонуургалдыг турган. Олар удаа- дараа шаңнал-макталдыг черлерни ээлеп турду. Бодум база аныяк үелеримден бээр немелде өөредилге төвүнге ажылдап, уругларның салым- чаяанын ажыдар, оларниң келир үеде амыдырал-чуртталгазынга идигни бээр дээш кызымаккай ажылдап чордум. Ол ышкаш школаның профком ажылынга база элээн хөй чылдарда ажылдаан мен. Школаның немелде өөредилге төвүнүң тургустунганындан бээр 30 чыл болган оюн таварыштыр кады ажылдап келген эштеримге чүгле экини, чедиишкиннерни күзээр-дир мен» — деп, немелде өөредилге төвүнге ажылдап чораан башкы Юлия Николаевна демдеглээн. #допобразование #юбилей #воспоминание