🔆 Кызылдың немелде өөредилге төвүнде уругларның чайгы дыштанылгазы — 15 июня 2026 г. в 09:30:29.032
🔆 Кызылдың немелде өөредилге төвүнде уругларның чайгы дыштанылгазы Кызылдың немелде өөредилге төвүнүң хүндүскү лагеринде уруглар солун хемчеглерде хаара туттунган. Уруглар сула шимчээшкиннер болгаш эртенги чем-биле хүннү эгелээрлер. Сула шимчээшкин уругларга хей-аът көдүрлүүшкүнүн, а чаагай чем чаа-чаа ажыдыышкыннарже күштү бээр. 🎨 Дыштанылганың бир хүнү Уруглар чогаадыкчы кичээлге космосту чурааннар. Оларның фантазиязы кызыгаар чок: саазыннарга планеталарны, сылдыстарны хуулдурган. Чурук бүрүзү онзагай – космостуң кызыгаар чок делгемнеринче ужудуушкун-биле дөмей. 🚀 Сылдыстарже аян-чорук Чогаадыкчы ажыл соонда ёзулуг-ла космиктиг белек уругларны манап турган. Олар октаргайның делгемнеринче аян-чорукту кылып, сылдыстар, планеталар дугайында солун чүүлдерни билип алганнар. Уруглар сылдыстарның тыптып келирин, Хүн системазының болгаш космостуң чажыттарының дугайында улуг сонуургал-биле дыңнааннар. 💃 Танцы-самның частыышкыны Кывыскылыг хөгжүмнүң адаанга уруглар сеткилинден ойнап-хөглеп, танцы-самның чаа-чаа шимчээшкиннерин өөренип алганнар. Хүлүмзүрүг, каткы-хөг, аяннашкак базымнар залды долган. 👮♂ Мергежилдер делегейи Дыштанылга хүнүнүң төнчүзүнде мергежилдер дугайында чугаалашканнар. Уруглар инженерлерниң, чурукчуларның, эмчилерниң болгаш өске-даа специалистерниң ажыл-ижиниң дугайында билип алганнар. Өзүп келгеш кым болурун чугаалажып, харын-даа боттары онзагай мергежилдерни чогаадып турганнар. Мы в ВКонтакте | Мы в MAX