Сайыҥҥы күн — сылаас, чаҕылхай үөрүүлээх кэмигэр, сарсыарда эрдэ, кыһыл көмүс куоластаа... — 20 июня 2026 г. в 15:06:19.851
Сайыҥҥы күн — сылаас, чаҕылхай үөрүүлээх кэмигэр, сарсыарда эрдэ, кыһыл көмүс куоластаахтык, үрдүк халлаантан дьэрэкээн сырдыгынан сири-дойдуну сылытан уһугуннаран турар кэмигэр, күн уота эбии чаҕылхайдык тыган, күөх оту-маһы, сибэккилии турар кэмигэр Н.И. Прокопьев аатынан Хатыы орто оскуолатыгар бэс ыйын 20 күнүгэр, быйылгы үөрэх дьылын түмүктүүр, 11 сыл ынараа өттүгэр оскуолабыт үктэлин маҥнай үктээбит биһиги кырыаһыабай мааны оҕолорбут оҕо саастан арахсар улахан олоххо үктэнэр бэлиэ күннэрэ үүннэ, күлүмүрдүү мичилийдэ☺️👏 Оҕолорбут убаастыыр таптыыр төрөппүттэрэ күн-түүн бэрийэн тэрийэн сүүрэн-көтөн тэрийбит бэлэмнээбит мааны остуолларыгар, оҕолорун 11 сыл устата үөрэххэ-билиигэ уһуйбут учууталларын, оҕолорун доҕотторун уонна тэрилтэ салайааччыларын сандалы остуолларыгар ыҥыран тапталлаах оҕолорун оскуоланы бүтэрэр дьоро күнүгэр муһаттаатта👍🏻 Биһиги иннибитигэр бүгүҥҥү күн үөрүү-көтүү буруйдаахтара, оскуоланы бутэрээччи 3 ньургун уолаттар уонна 2 кындыа кыталык кыргыттар. Кылаас оло5уттан кыратык кэпсии түһэр буоллахха кылааска 5 оҕо үөрэнэр олох киэҥ аартыгар көтөөрү сылдьаллар😍 Үөрэнээччилэрбит бары тобуллаҕас өйдөөх, олоххо активнай позициялаах, нэһилиэк да оскуола да олоҕор көхтөөх кыттааччылар, билиигэ – көрүүгэ тардыһыылаах кылаас буолар🙌🏻☺️ Биһиги нэһилиэкпит киэн туттар, оскуолаҕа өр сылларга үлэлээбит уонна биир дойдулаахтаргыт ытыктабыллаах дьон граннарын ылаҥҥыт, кынаттанаҥҥыт мэлдьи ситии-хотуу аргыстаах буолун диэн оҕолорбутун дохсун ытыспыт тыаһынан өссө төгүл бу манна алҕыаххайыҥ🙏🏻☺️ Үөрэммит оскуолаҕыт үтүөтүн өрүүтүн өйдүү-саныы сылдьаарыҥ. Оҕо сааскытын биһигини мэлдьитин санаарыҥ. Биһигиттэн силис тардан элбэҕи ситиһиҥ кыайыҥ-хотуҥ, биһигиттэн кынаттанан олох киэң аартыгар үктэниҥ🙌🏻