Н.И. Прокопьев аатынан Хатыы орто оскуолата 2026-2027 сыллааҕы үөрэх дьылыгар үктэннэ👏... — 1 сентября 2026 г. в 05:31:22.806
Н.И. Прокопьев аатынан Хатыы орто оскуолата 2026-2027 сыллааҕы үөрэх дьылыгар үктэннэ👏 Оскуолабыт аанын үктэлин бары атыллаан үөрэнээччилэрбит да учууталларбыт да бары уоттаах харахтаах саҥа үөрэх дьылыгар үктэннилэр👍🏻 Быйылгы ≪Билии күнүгэр≫ Н.И. Прокопьев аатынан Хатыы орто оскуолатыгар улууспут баһылыга Иннокентьев Алексей Михайлович күндү ыалдьыт буолан кэлэн, маҥнайгы кылааска киирбит оҕолорго улуус дьаһалтатын аатыттан сэмэй бэлэҕин туттарда😍🙌🏻 Бырааһынньыкпытын ыалдьыппытын уонна оҕолорбутун уруйдуу-айхаллыы бу күн оскуолабыт хатыҥ чараҥнаах олбуорун быыһыгар ≪Кэм Капсулата≫ диэн муннук арыллыытын бэлиэтээтибит👏Бу манна биһиги оскуола саамай элбэх оҕолоох орто сүһүөххэ маҥанйыгытын үктэммит 5 кылаастары, улууспут убаастабыллаах аҕа баһылыгын уонна оскуолабыт дириэктэрин ыҥыраммыт баҕа санааларын суруйтараммыт, саҥа ≪Кэм Капсулатын≫ саһыардыбыт☺️ Бу капсулабыт 2031 сылга 5 кылаастарбыт бүтэһик чуорааннарын тыаһатар кэрэ кэмигэр арыллыаҕа😌🙏🏻 2026-2027 сыллааҕы үөрэх дьылыгар Н.И. Прокопьев аатынан Хатыы орто оскуолатыгар 67 оҕо үөрэнэ киирдэ, маҥнайгы кылааспытыгар быйыл 8 оҕо оскуола боруогун атыллаан киирдэ, кинилэри билии-көрүү дойдутугар сирдээччинэн, бастакы учууталларынан Васильева Анастасия Семеновна ананна. 🙌🏻 Кэлбит мааны ыалдьыттарбыт бары алгыс тылын оҕолорбутугар анаатылар, ону таһынан өр сылларга биһиги оскуолабытыгар физика предметын үөрэппии бэтэрээн учууталбыт Егорова Розалия Григорьевна куораттан кэлэн эҕэрдэ бастыҥын этэн аһарта😍👏 «Эдэр учууталлар Хатыы орто оскуолатын хайаан да таптыыргытыгар уонна оҕолоргутун билиигэ-көрүүгэ сирдииргитигэр, бу Мэҥэдьэк нэһилиэгин, мин үлэлээн ааспыт дойдум диэн куруук өйдүү-саныы сылдьаргытыгар” - диэн баҕа санаатын эттэ. Кырдьык даҕаны бу үөрэх дьылыгар 4 эдэр эр киһи кылаас салайааччытынан ананан үлэлиэҕэ👍🏻Оскуолабытыгар 20-чэ эдэр учуутал үлэлиир🙌🏻 Агро оскуолабыт сонуннарыттан суруйан ылар буоллахха бу үөрэх дьыла саҕаланыаҕыттан муостаахтарбытыгар кырыа кыһыммытын аһардаары хотон тутта сылдьабыт👍🏻 Уонна отто биир үөрүүбүт диэн быйыл бүтэрбит үөрэнээччилэрбит бары устудьуон аатын сүктүлэр😍👏 Оҕолорбутугар уонна учууталларбытыгар баҕарыахпыт этэ дьолу-соргуну, үлэҕитигэр үөрэххитигэр үс төгүл ситиһиини😌🙌🏻