«Прощай, сезон чудес!»: Мэҥэдьэк сиригэр Маалыкай куустатын оскуолаларын лааҕырдарын үр...
«Прощай, сезон чудес!»: Мэҥэдьэк сиригэр Маалыкай куустатын оскуолаларын лааҕырдарын үрдүк таһымнаах көрсүһүүлэрэ буолан ааста😍👏 Алтынньы 24 күнүгэр Мэҥэдьэк сиригэр, Танхаров аатынан култуура киинигэр, үгэскэ кубулуйбут «Прощай, сезон чудес!» диэн ааттаах оскуола лааҕырдарын көрсүһүүтэ (слет) үрдүк таһымнаахтык уонна олус тэрээһиннээхтик буолан ааста👏Эгэлгэ тэрээһин үөрүүлээх сырдык кэрчиктэрин Хатыы, Малыкай уонна Хорула оскуолаларын лааҕырдарын иитиллээччилэрэ үллэһиннилэр. Уопсайа 98 оҕо мустан, биир кэрэ күнү доҕордуу эйгэҕэ атаарда☺️🙌🏻 Слет быйыл 4 улахан түһүмэхтээх күрэх быһыытынан барда. Күүстээх киирсиилэр түмүктэринэн, Маалыкай оскуолатын «ПРОФИ» лааҕыра муҥутуур кыайыылаах аатын сүктэ уонна бастыҥнарын бигэргэттэ✊🏼👍🏻 Бу тэрээһин сүрүн сыала-соруга — лааҕырдар иитии-үөрэтии өттүгэр бэйэ-бэйэлэрин кытта уопут атастаһыылара, оҕолорбут айар-тутар дьоҕурдарын, лидерскэй хаачыстыбаларын сайыннарыы уонна күүстээх доҕордоһууну олохтооһун буолар🙏🏻☺️ «Доҕордуу дьоҥҥо ыарахан да чэпчиир, ыраах да чугаһыыр, доҕордуу дьоҥҥо үөрүү да үксүүр, үлэ да чэпчиир. Ким дьиҥнээх доҕордоох — ол дьоллоох!» — диэн туран, киэһэ лааҕыр оҕолоро сиэтиспитинэн оскуолабытыгар тахсан, иллээхтик-эйэлээхтик араас оонньуулары оонньоотулар. Оҕолорго анаан станцияларынан кэрийэн оонньооһун («игры по станциям») уонна элбэх көрдөөх түгэннэрдээх «Веселые старты» күрэх олус сэргэхтик ыытылыннылар. Урут да этиллэрин курдук: «Оҕо сааскар оонньуоҥ-көрүлүөҥ, оттомноохтук үөрэниэҥ». Оҕолорбут үөрбүт-көппүт сирэйдэрин көрөн хас биирдии киһи астынар, дуоһуйар. Оҕолор үүнэллэригэр-сайдалларыгар маннык хабааннаах тэрээһиннэр кинилэри кынаттыылларын өйдөөн, тапталлаах учууталларыгар, иитээччилэригэр улахан махталларын тиэртилэр. Бу кэрэ тэрээһини тэрийсибит, сүүрбүт-көппүт бары коллегаларбытыгар муҥура суох улахан махталбытын тиэрдэбит✊🏼☺️ Бары кылгас кэм иһигэр ханнык да үлэни кыайа тутар күүстээх түмсүүлээххитин көрдөрдүгүт👍🏻☺️ Үүнүү-сайдыы суолунан инники хонууга инники күөҥҥэ🙏🏻🤞