Саха Сирин Былааҕын күнүгэр: «Цвета Якутии» өрөгөйдөөх флэшмоб уонна анал кылаас чааста...
Саха Сирин Былааҕын күнүгэр: «Цвета Якутии» өрөгөйдөөх флэшмоб уонна анал кылаас чаастара☺️👏 Бүгүн, алтынньы 14 күнүгэр, өрөспүүбүлүкэбит үрдүнэн үрдүк суолталаах бырааһынньык — Саха Өрөспүүбүлүкэтин Судаарыстыбаннай былааҕын күнэ бэлиэтэнэр. Бу бэлиэ күҥҥэ анаан биһиги оскуолабытыгар өрө көтөҕүллүүнү уонна патриоттуу тыынны уһугуннарар араас хайысхалаах тэрээһиннэр үрдүк таһымнаахтык буолан аастылар. Оскуолабыт бары кылаастарыгар Саха Сирин былааҕын күнүгэр аналлаах сырдатаар уонна иитэр суолталаах кылаас чаастара ыытылыннылар. Оҕолор Сахабыт сирин былааҕа хаһан, хайдах ылыныллыбыт устуоруйатын билсэн, халлаан күөх, үрүҥ, от күөх уонна кыһыл өҥнөр, ону таһынан ортотугар баар үрүҥ күн туох суолталааҕын, тугу туоһулуулларын туһунан дириҥник иһиттилэр уонна санааларын үллэһиннилэр. Бу кэнниттэн бырааһынньык үрдүк күүрээнэ өссө күүскэ тэбэр дьиҥнээх уотунан умайда😍Оскуолабыт бары үөрэнээччилэрэ биир сомоҕо буолан, «Цвета Якутии» («Саха Сирин өҥнөрө») диэн ураты флэшмобка кыттыстылар. Оҕолор былаахпыт кэрэ өҥнөрүн кумааҕыга уруһуйдаан олус чаҕылхайдык көрдөрөн, оскуолабыт иһин дьиҥнээх бырааһынньык үөрүүтүнэн толордулар. Бүгүҥҥү бэлиэ күн хас биирдии үөрэнээччигэ Төрөөбүт дойдуга тапталы, киэн туттууну уонна биир сомоҕо буолууну иҥэрдэ. Күүстээх энергетикалаах уонна олус кэрэ көстүүлээх тэрээһини тэрийбит учууталларбытыгар, көхтөөхтүк кыттыспыт оҕолорбутугар барҕа махтал❤️