Балаҕан ыйын 9 күнэ - Марха өрүспүт күнэ буолар😍👏
Балаҕан ыйын 9 күнэ - Марха өрүспүт күнэ буолар😍👏 Марха өрүс — Саха сирин арҕаа өттүгэр баар олус кэрэ, улахан уонна ураты суолталаах өрүс. Саха дьоно, өрүстэри убаастаан «Эбэ» диэн ааттыылларын быһыытынан, Марханы эмиэ «Марха Эбэ» диэн ааттыыбыт👍🏻 Кэнники сылларга Марха өрүс аан дойду учуонайдарын уонна интэриэһиргиир дьону бэйэтигэр тардыбыта. Космостан (спутниктан) түһэриллибит хаартыскаларга Марха кытылын үрдэллэрэ олус дьикти, хатыланар сурааһыннардаах эриэн ойуулааҕа көстүбүтэ. Сорохтор итини Перу дойдутугар баар Наска плато былыргы дьикти ойууларыгар (геоглифтарга) майгыннаппыттара. Учуонайдар итини үйэлэр тухары ирбэт тоҥ уонна сир хамсааһына ураты сир рельебин (геоформатын) үөскэппитин кытта сибээстииллэр. Историческай өттүттэн сылыктаатахха, 1978 сыллаахха өрүс үрдүгэр «Кратон-3» диэн сир аннынааҕы ядернай эстии буола сылдьыбыт кутталлаах түгэннээх. Ол иһин Ньурба олохтоохторо, уопсастыбаннай экологтар «Марха өрүс көмүскээччилэрэ» диэн тэрилтэ тэринэн, Эбэ уутун ыраас буоларын иһин куруук кэтээн көрөллөр, туруулаһаллар. Марха өрүс үрдүгэр олус кэрэ айылҕалаах сирдэр бааллар. Холобур, үрдүк сырдык тумуллар, харыйа уонна бэс тыалар. Ол курдук биир кэрэ сиринэн биһиги Мэҥэдьэкпит нэһилиэгиттэн чугас сытар сирдэриттэн Ылгыдьаак диэн сир буолар😍 Н.И. Прокопьев аатынан Хатыы орто оскуолата бу кэрэ ытык сиригэр сайыҥҥы оҕо сынньалаҥ лааҕырын сайын аайы ≪Хоһуун≫ диэн ааттаах лааҕыры тэрийэр🙌🏻 Оҕолор сайын лааҕырдаан, айылҕаны чинчийэллэригэр, туризмынан дьарыктаналларыгар олус табыгастаах сир буолар👍🏻 Оҕолор манна кэлэн кус-балык хайдах үөскүүрүн, Марха өрүс айылҕатын, тулалыыр үүнээйилэри үөрэтэллэр уонна экология харыстабылыгар сылдьаллар☺️ Түмүктээн сылыктаатахха, Марха өрүс — Саха сирин арҕаа өттүгэр олорор дьон олоҕун тирэҕэ, айылҕа ураты баайа уонна кэрэтэ буолар❤️Марха Эбэбит ыраас туруктаах хаалара хас биирдиибит ытык эбээһинэһэ. Кини кэрэ айылҕатын, балыгын-аһын уонна уутун уратытын харыстаан, кэлэр көлүөнэҕэ уларыппакка тиэрдэр — биһиги сүрүн сыалбыт буолар🙏🏻