Көтөр мээчик күүстээх киирсиилэрэ буоллулар💪
Көтөр мээчик күүстээх киирсиилэрэ буоллулар💪 Соторутааҕыта биһиги оскуолабытыгар үрдүкү кылаастарга анаммыт волейболга күрэхтэһиитэ үрдүк күүрүүлээхтик уонна сэргэхтик ыытылынна👏Бу тэрээһин атын күрэхтэһиилэрдээҕэр ураты хабааннаах буолан, хас биирдии көрөөччү уонна кыттааччы өйүгэр-санаатыгар өйүгэр хаалыаҕа☺️ Күрэхтэһии сүрүн уратытынан — хамаандалар үгэс курдук бэйэ-бэйэлэрин кылаастарынан эрэ буолбакка, үрдүкү кылаастар бары хамаандаларга арахсан кииристилэр👍🏻Ити иһин заал иһигэр күүстээх уопут уонна эдэр эрчим көрсүстүлэр☺️ Ол курдук, волейболга бастакытын кыттар оҕолорбут уонна хамаанда чиэһин көмүскэспит 5-с кылааспыт үөрэнээччилэрэ улахан оҕолору кытта тэҥҥэ, ким да итэҕэһэ суох хорсуннук оонньоон, сорохтор бэйэлэрин волейбоолга бастакытын оонньоотулар уонна күрэхтэстилэр. Эдэр оонньооччулар улахан убайдарыттан, эдьиийдэриттэн элбэххэ үөрэннилэр, волейбол оонньуутун кистэлэҥнэрин билэн, дьиҥнээх хамаанда тыынын бигэтик өйдөөтүлэр☺️ Оонньуу хас биирдии партияттан партияҕа өссө сытыырхаан, хамаандалар хас биирдии мээчик иһин тиһэҕэр диэри охсустулар. Залга мустубут ыалдьааччылар оҕолору күүстээх хаһыытынан, күрэхтэһии таһымын өссө үрдэттилэр👍🏻 Бу күрэхтэһии оҕолорбут бэйэ-бэйэлэрин кытта доҕордоһоллоругар, успуорду таптыылларыгар уонна хамаанданан үлэлии үөрэнэллэригэр улахан хардыы буолла! Наар маннык көхтөөх, чэгиэн-чаҕылхай олох сүүрүгүрэ турдун☺️👏 Күрэххэ кыттыбыт бары хамаандаларга, уопут ылбыт саҥа саҕалааччыларбытыгар ис сүрэхпититтэн махтаныаҕыҥ уонна өссө да үрдүк ситиһиилэри баҕарыаҕыҥ! Күүс — сомоҕолоһууга! 🏐🔥🏆