Учууталбыт Анатолий Васильевич Ксенофонтов суолунан — Бүттүүн Арассыыйа таһымнаах күрэх...
Учууталбыт Анатолий Васильевич Ксенофонтов суолунан — Бүттүүн Арассыыйа таһымнаах күрэххэ👏 Оскуолабыт устуоруйатыгар хатыламмат, дириҥ ис хоһоонноох ураты түгэн үүннэ. Өссө 2004-2009 сыллар диэки биһиги тапталлаах учууталбыт, айылҕаттан айдарыылаах педагог Ксенофонтов Анатолий Васильевич оччотооҕу көлүөнэ оҕолорун түмэн, тулуур, эрчим уонна дойдуга таптал оскуолатыгар уһуйар улуу экспедициялары тэрийэрэ. Бүгүн кини биһиги ортобутугар суох эрээри, кини уурбут акылаата, иитэн таһаарбыт оҕолорун сүрэҕэр умаппыт кыраайы үөрэтиигэ истиҥ умсугутуута уостубат күүс буолан олохпутугар арыаллыыр🙏🏻 Бүгүн биһиги, Анатолий Васильевич бэйэтин кэмигэр иитэн-үөрэтэн таһаарбыт уолаттара, кини үтүө суолун уонна харысхал тутуурдаах үгэһин үйэтитэр кэммит кэллэ диэн сананан, ураты бырайыагы олоххо киллэрдибит✊🏼Учууталбыт уопутун батыһан, оскуолабыт 10-с кылааһын уолаттарыгар анаан аныгыскы көлүөнэ экспедициятын тэрийэн ыыттыбыт👍🏻 Уолаттарбыт түөрт күн устата айылҕалыын алтыһан, бэйэлэрин кыахтарын боруобаланан, хамаанда күүһүн өйдөөн, уопсайа 60 биэрэстэлээх (км) уустук уонна интэриэһинэй маршруту ситиһиилээхтик аастылар. Бу сырыы хас биирдии уолга эр бэрдин олохтоох оскуолата, төрөөбүт дойду устуоруйатын дириҥник билэргэ улахан билии кыһата буолла. Бу ураты айан хас биирдии долгутуулаах түгэнин, уолаттар хорсун быһыыларын уонна учууталбыт сырдык кэриэһин түмэн, «По тропам Анатолия Васильевича Ксенофонтова» диэн анал документальнай киинэни устан оҥорон таһаардыбыт. Бырайыакпыт уонна айар үлэбит түмүгүнэн, Бүттүүн Арассыыйа таһымнаах «Уһук Илин» (Дальний Восток) диэн улахан уонна престижтаах күрэххэ кыттарга сананныбыт✊🏼 Бу киинэ нөҥүө биһиги улуу учууталбыт сырдык сыалын-соругун, оскуолабыт харысхал тутуурдаах үгэһин уонна саха уолаттарын хорсун айанын бүтүн дойдуга билиһиннэриэхпит🙌🏻Учуутал суола уостубат, кини ииппит оҕолоро үтүө үгэһи үйэлэргэ салҕыыллар🙏🏻☺️ Айар бөлөххө уонна уолаттарбытыгар улахан күрэххэ ситиһиини, кыайыыны-хотууну баҕарабыт🙌🏻 Күрэххэ барбыт киинэни оскуолабыт ВК сырайыгар киирэн көрүөххүтүн сөп - https://vk.ru/wall-212939482_1449 , толору киинэтэ сотору тахсыаҕа🙌🏻☺️