ИЙЭ АЙЫЛҔАБЫТ КҮНДҮ БЭЛЭҔЭ — КӨМҮС КҮҺҮН🍂
ИЙЭ АЙЫЛҔАБЫТ КҮНДҮ БЭЛЭҔЭ — КӨМҮС КҮҺҮН🍂 Балаҕан ыйын 25 күнүгэр оскуолабытыгар сыл аайы үгэс буолбут, бары кэтэһэр дьылбыт биир кэрэ кэмэ — Көмүс күһүн «Алтан көмүс алыптаах эйгэтэ» диэн ааттаах бырааһынньыга үрдүк таһымнаахтык буолан ааста👏😍Бу күн оскуолабыт иһэ араас өҥнөрүнэн кутуллан, күһүҥҥү тыын киирэн, дьиҥнээх остуоруйа дойдутугар дуу тулааһыҥҥа дуу кубулуйда👍🏻 Күрэххэ кылаастар бэрт үрдүк таһымнаах бэлэмнэниилээх кэлбиттэрэ харахха тута быраҕылынна: • Айылгылаах фотозоналар: Кылаас аайы хатыламмат кэрэ, күһүҥҥү матыыптаах фотозоналары туруордулар. Хас биирдии киһи манна кэлэн өйдөбүнньүк хаартыскаҕа түһэргэ дьулуста👏 • Иһитиннэрэр стенгазеталар: Үөрэнээччилэр айар куттарын уһуктан, күһүн кэрэтин, бэйэлэрин кылаастарын олоҕун чаҕылхайдык көрдөрөр стенгазеталары уруһуйдаан таһааран киэҥ саалаҕа кэлбит ыалдьыттарга биир оскуолаҕа үөрэнэр оҕолоругар анаан ыйаан көрдөрдүлэр🙌🏻 • Авангарднай муода: Бырааһынньык саамай кэтэһүүлээх уонна ситиһиилээх чааһынан авангарднай муода күрэҕэ буолла. Оҕолор уонна төрөппүттөр фантазиялара муҥура суоҕун көрдөрөн, айылҕа матырыйаалларыттан, кумааҕыттан, араас ураты, кэрэ көстүүлээх таҥастары тигэн, дьүүллүүр сүбэни уонна көрөөччүлөрү сөхтөрдүлэр😍 Күрэх түмүгүнэн саамай көхтөөх, айар дьоҕурдаах кылаастар бэлиэтэннилэр, дипломнарынан уонна сыаналаах бириистэринэн наҕараадаланнылар👏 Кыттааччыларга барыларыгар уонна кылаас салайааччыларыгар барҕа махтал👏Көмүс күһүн барыбытыгар сырдык үөрүүнү, саҥа ситиһиилэри аҕаллын диэн бу чаҕылхай бырааһынньыкпытын түмүктээтибит👏 Хаартысканнан күрэс куоластааһын түмүгэ балаҕан ыйын 27 күнүгэр киэһээ 18:00ч биллиэҕэ👋🏼Онон кытаатыҥ куоластааҥ✊🏼