Үрдүк ситиһии: Биһиги выпускникпыт — «Саҥа ааттар» турнир чемпиона🥇
Үрдүк ситиһии: Биһиги выпускникпыт — «Саҥа ааттар» турнир чемпиона🥇 Биһиги оскуолабыт үөрэнээччилэрин таһынан, бэйэбит выпускниктарбыт ситиһиилэрин өрүү кэтээн көрөбүт уонна киэн туттабыт☺️ Алтынньы ый 10 күнүгэр Дьокуускай куоракка мас тардыһыытыгар саҥа саҕалааччы спортсменнарга анаммыт өрөспүүбүлүкэтээҕи үгэс буолбут «Саҥа ааттар» турнир үрдүк таһымҥа ыытылынна. Бу күүстээхтэр күөн көрсүһүүлэригэр биһиги оскуолабыт былырыынҥы выпускнига Алексей Архипов бэрт бэргэнник уонна күүстээхтик кытынна🔥💪 Кини 75 киилэҕэ дылы ыйааһыҥҥа бары утарсааччыларын кыайан, кыаҕын уонна тулуурун көрдөрөн, сыралаах киирсиилэр түмүктэринэн ЧӨМПҮЙҮӨН үрдүк аатын ылла💪 «Саҥа ааттар» турнир — элбэх күүстээх мадьынылар улахан успуорка бастакы хардыыларын оҥорор помостара буолар. Онон бу кыайыы — өссө да үрдүк ситиһиилэр бастакы кэрдиис кэмнэрэ буоларыгар саарбахтаамаппыт🙌🏻 Биһиги оскуолабыт коллективын, үөрэнээччилэрин уонна төрөппүттэрин аатыттан Алешабытын ис сүрэхпититтэн эҕэрдэлиибит👏Эйиэхэ уостубат күүһү-кыаҕы, чэгиэн туругу уонна спорт таһымыгар өссө да үрдүк ситиһиилэри, саҥа кыайыылары баҕарабыт☺️🙌🏻 Киэн туттабыт🏆🏅