Тааһаҕар үөрэнээччилэрэ «Барҕарыы» кэмпириэнсийэҕэ ситиһиилэннилэр
Тааһаҕар үөрэнээччилэрэ «Барҕарыы» кэмпириэнсийэҕэ ситиһиилэннилэр Бүгүн, кулун тутар 26 күнүгэр, Дьокуускай куорат М.Е. Николаев аатынан 40 №-дээх оскуолатыгар III өрөспүүбүлүкэтээҕи сахалыы тылынан ыытыллар «Барҕарыы» үөрэнээччилэр кэмпириэнсийэлэрэ үрдүк таһымӈа ааста. Кэмпириэнсийэҕэ 300-тэн тахса оҕо өрөспүүбүлүкэ араас муннугуттан кэлэн дакылаат ааҕан күрэхтэстилэр. Биһиги оскуолабытыттан 6 оҕо кытынна. Герасимов Владимир, 9 кыл. үөрэнээччитэ, ускуустуба хайысхатыгар 3 м, Григорьев Олег, 7 кыл. үөрэнээччитэ, сири-дойдуну харыстааһын, чинчийии хайысхаҕа 3 м, Григорьева Саяна, 10 кыл. үөрэнээччитэ, литэрэтиирэ секциятыгар 1 м ыллылар, кыайыы мэтээлин кэттилэр. Оҕолору, салайааччылары ситиһиилэринэн итии-истиҥ эҕэрдэ!
770 просмотров