Дьокуускайга "СААС" норуоттар икки ардыларынааҕы түһүлгэ ыытылынна
Дьокуускайга "СААС" норуоттар икки ардыларынааҕы түһүлгэ ыытылынна 2026 сыл кулун тутар 20-25 күннэригэр Дьокуускай куоракка "СААС" норуоттар икки ардыларынааҕы III айар бэстибээл-куонкурус буолан ааста. Бу тэрээһиҥҥэ өрөспүүбүлүкэ араас муннуктарыттан элбэх талааннаах оҕолор уонна улахан дьон түмсэн, ускуустуба араас жанрыгар бэйэлэрин дьоҕурдарын көрдөрдүлэр. Кыттааччылар маннык жанрдарга кииристилэр: Кулун тутар 21, 23 күннэригэр — Хореография, Мода тыйаатыра, Цирк ускуустубата; Кулун тутар 22, 24 күннэригэр — Ырыа (Вокал). Ансамбыллар уонна кыра формалар; Кулун тутар 25 күнүгэр — Фольклор, Уус-уран ааҕыы, Тыйаатыр ускуустубата, Инструментальнай толоруу. Бэстибээл-куонкурус Өрөспүүбүлүкэ киин куоратыгар 4000-тан тахса оҕону түмтэ. Бу киэҥ хабааннаах култуурунай тэрээһин Оҕо Дыбарыаһыгар ыытылынна уонна оҕо уонна ыччат айар үлэтин сайыннарар саамай бөдөҥ былаһааккалартан биирдэстэрэ буолла. Быйылгы бэстибээл уратыта – аан дойду таһымнаах дьүүллүүр сүбэ кыттыыта. Саха сиригэр анал сыаллаах Кытайтан экспертэр — музыка искусствотын уонна култуурунай чинчийиилэр эйгэлэригэр биллибит идэлээхтэр — кэллилэр. Оскуолабыт үөрэнээччилэрин Гульнара Павловна Алексеева салайааччылаах "Чоргуй" бөлөх 2-с степеннээх Лауреат буоллулар. Оҕолор чабырҕаҕы толорон ситиһиилээхтик кытыннылар. Оҕолору, салайааччыларын Гульнара Павловнаны эҕэрдэлиибит!