МБОУ «Жарханская СОШ-И им. Б.Г. Игнатьева» МР "Сунтарский улус (район)"
Образование · 23 апреля 2026 г.
«Түннүк аннынааҕы оҕуруот» ("Огород на подоконнике") диэн өрөспүүбүлүкэтээҕи көрүү-күрэ... — 23 апреля 2026 г. в 07:08:45.436
«Түннүк аннынааҕы оҕуруот» ("Огород на подоконнике") диэн өрөспүүбүлүкэтээҕи көрүү-күрэскэ уһуйаан кыра уонна иккис эрдэтээҕи саастаахтар бөлөхтөрө «Огород-малышок» номинацияҕа III истиэпэннээх Диплому ылан, өрөспүүбүлүкэ таһымыгар бэйэлэрин талааннарын уонна кыһамньыларын көрдөрдүлэр! 🥉🌱 Бу үрдүк ситиһии – иитээччилэрбит Федорова Сардаана Борисовна уонна Кырелова Светлана Алексеевна сыралаах үлэлэрин, оҕолору кытта дьулуурдаахтык дьарыктаммыттарын түмүгэ. Саргылаах саас саҕаламмытыгар түннүк анныгар үүннэрбит оҕуруоттара оҕолорго айылҕаны таптыырга, үлэни өрө тутарга уонна кэтээн көрөр дьоҕурдарын сайыннарарга улахан туһалаах буолла. Күндү иитээччилэрбит, кырачаан оҕолорбут! Бу кыайыыгытынан ис сүрэхпититтэн эҕэрдэлиибит! Инникитин даҕаны саҥа сонун арыйыылары, улахан ситиһиилэри баҕарабыт. Оҕолорбут айылҕаны кытта алтыһан, үүнэр-сайдар үтүө сатабыллары ылан, инникитин өссө дьоһуннаах үлэлэри толороллоругар алгыспытын аныыбыт! 🌻✨