Безгә 10 яшь! 2016 елның 16 августында Бакырчы авылында яңа клуб бинасы тантаналы рәвеш... — 19 августа 2026 г. в 18:31:10.467
Безгә 10 яшь! 2016 елның 16 августында Бакырчы авылында яңа клуб бинасы тантаналы рәвештә ачылган иде. Шул уңайдан авыл клубында "Дуслар җыелган җирдә" диеп исемләнгән концерт программасы күрсәтелде. Шушы 10 ел эчендә бик күп спектакльләр сәхнәләштерелде, түгәрәкләр оештырылды, төрледән төрле концерт программалары күрсәтелде, узешчэн "Хәзинә" фольклор коллективы белән "Ханымнар" җыр һәм бию коллективы барлыкка килде. Алар белән район һәм республика күләмендә үткәрелә торган чараларда актив катнашабыз. Кечкенә генә юбилей сәнгатькә гашыйк авылдашларның олысын - кечесен бер сәхнәгә җыйды. Җырчы кызларыбыз Айгөл Төхбәтуллина, Адилә Гусманова, Рүзилә Сафиуллина, Гөлнара Музафарова, Фирдәүсә Шәрәфиева моңлы, матур җырлар башкардылар. "Ханымнар" белән "Хәзинә" коллективлары да үзләренең матур чыгышлары белән бәйрәмгә ямь өстәде. Яшүсмерләр дә читтә калмады, алар заманча биюләр башкарды. Бәйрәмнең бизәге биюче балалар булгандыр мөгаен. Алар җәй көне өйрәнгән яңа биюләрен оста итеп башкарып чыктылар.Бәйрәм киче бик җылы атмосферада узды. Зал тутырып килгән тамашачы жырчыларга кушылып җырлады, үзешчән артистларны алкышларга күмде. Бәйрәм кичәсенә килгән җитәкчеләребез - Рамил Ринатович Гобәйдуллин белән Юлия Эриковна Новикова җылы сүзләрен, ихлас теләкләрен җиткерде. Иганәчеләребез Рафыйк Бахтияров (мәрһүм, дога булып ирешсен), Әнәс абый Закиров, Әлфия Бахтиярова турында әйтми мөмкин түгел. 10 ел дәвамында алар бик күп ярдәм иттеләр. Әлфия Бахтиярова ярдәме белән "Ханымнар" һәм "Хәзинә" коллективларына киемнәр алынды, клубның материаль ягы каралды. Рәхмәт сүзләремне җитәкчеләремә, иганәчеләргә, үзешчән сәнгатьтә катнашучыларга, зал тутырып килгән авылдашларга җиткерәсем килә. Барыбыз да сау-сәламәт булып, киләчәктә дә шундый матур кичәләрдә очрашулар насыйп булсын. Иң мөһиме илебезгә тынычлык килсен иде. #Бакырчыавылыклубы #культуразеленодольска