Бүгүн,бэс ыйын 15 күнүгэр Маҥааспыт нэһилиэгэр дьоһун тэрээһин ааста.Олохтоохтор хайа д... — 15 июня 2026 г. в 11:08:36.155
Бүгүн,бэс ыйын 15 күнүгэр Маҥааспыт нэһилиэгэр дьоһун тэрээһин ааста.Олохтоохтор хайа да кэмҥэ,үлэлээн-хамсаан ааспыт үтүө дьоммут аатын үйэтитиигэ элбэх үлэни ыыталлар."Чуораанчык"детсад 40 тахса сыл сэбиэдиссэйинэн үлэлээбит Екатерина Петровна Васильева,оскуолабытыгар Үөһээ Бүлүү оройуонун биир бастакы үөрэхтээх ытыктанар учуутал Захар Николаевич Борисов, балыыһабытыгар Акулина Новикова сырдык ааттарыгар мемориальнай дуоскалар араас сылларга арыллыбыттара.Онтон бүгүн, культура эйгэтигэр Үөһээ Бүлүү оройуонун Ботулу, Маҥаас ,Сургулук,Тамалакан нэһилиэктэригэр 1968 сылтан 2000 сылга диэри эҥкилэ суох үлэлээбит, ССРС культуратын туйгуна, Үөһээ Бүлүү улууһун культуратын үтүөлээх үлэһитэ, РФ журналистарын союһун чилиэнэ, "Коммунизм сардаҥата" ,"Үөһээ Бүлүү"хаһыаттар корреспонденнара ,Бүлүү улууһун Тылгыны нэһилиэгин бочуоттаах олохтооҕо, спорт ветерана, краевед сырдык аатын үйэтитэн сынньалаҥ киинигэр,мемориальнай дуоскатын арыллыыта буолла. Бииргэ үлэлээн ааспыт доҕотторо,коллегалара ,оҕолоро истиҥ иһирэх тылларынан ахтан санаан аастылар.