Сайылык күнэ Ил Дархан Айсен Николаев 2018 сыл сэтинньи 6 күнүнээҕи Ыйааҕынан саха төрү... — 22 мая 2026 г. в 06:49:17.386
Сайылык күнэ Ил Дархан Айсен Николаев 2018 сыл сэтинньи 6 күнүнээҕи Ыйааҕынан саха төрүт үгэһин чөл тутар уонна тыа хаһаайыстыбатын аһын-үөлүн дэлэтэр, тыа хаһаайыстыбатын үлэһитин суолтатын көтөҕөр туһуттан олохтоммута. Онон хас сыл аайы ыам ыйын 22 күнүгэр Саха сирин олохтоохторо Сайылык күнүн бэлиитиибит. Үгэс күрдук Маҥаас нэһилиэгэр ыам ыйын 21 күнүгэр ,"Сайылык күнэ"тэрээһиҥҥэ Сэбиэскэй кэмҥэ тыа хаһаайыстыбатын үрдүк таһымҥа тутууга олохторун кэрэ кэмнэрин анаабыт саастаах дьоммут муһуннулар.Былыр сайылыкка көһүү бырааһынньыкка тэҥнээҕэ,күөххэ этэҥҥэ үктэнэн,үрүҥ илгэни өлгөмнүк үлүрүтэн үлэ хамнас өссө күөстүү оргуйара. Күммүт туран биэрэн күөх халлааҥҥа биир да былыт суоҕа,кыра да тыал үрбэтэ,куйаас сайынныы илгийбитэ тэрээһиммитин киэргэттэ.Оллооҥҥо билигийэ оргуйан буспут сибиэһэй кус миинэ,арыылаах алаадьынан уоппутун айах тутан,эгэлгэ ас тардыллыбыт сандалы тула сэһэргэһэн,күлэн-оонньоон,ыллаан -туойан ,уруккуну-хойуккуну санаһан бэрт күн ааста.Биэс көрүҥнээх многоборье түмүгэр бастакы миэстэни бэтэрээн ытыктабыллаах учуутал Ирина Никитична Петрова,иккис тыа хаһаайыстабын эйгэтигэр уһуннук үлэлээбит,ветеринария бэтэрээнэ Ольга Сергеевна Михайлова,үһүс атыы-эргиэн эйгэтин туйгуна Олимпиада Сергеевна Григорьева ылан,мэтээлинэн,дипломунан наҕараадаланнылар.Күндү дьоммутун Ньукуоланан эҕэрдэлиибит,этэҥҥэ буолуҥ диэн алҕыы хаалабыт.