*ҮӨҺЭЭ БҮЛҮҮ – «ДЬУЛУУР» СПАРТАКИАДАТЫН ТУЙГУНА! БОЧУОТТААХ 3-С МИЭСТЭ!* — 22 июня 2026 г. в 12:31:47.982
*ҮӨҺЭЭ БҮЛҮҮ – «ДЬУЛУУР» СПАРТАКИАДАТЫН ТУЙГУНА! БОЧУОТТААХ 3-С МИЭСТЭ!* _Бүгүҥҥү үлэ нэдиэлэтин былаанныыр мунньахха Үөһээ Бүлүү улууһун спортивнай хамаандатын эҕэрдэлээтим! Хамаандабыт Дьокуускай куоракка бэс ыйын 16-19 күннэригэр дойдубут Президенэ В.В. Путин көҕүлээбит «Спорт России» федеральнай бырайыак чэрчитинэн ыытыллыбыт XV-с үбүлүөйдээх «Дьулуур» адаптивнай спорт Спартакиадатыгар бочуоттаах 3-с миэстэни ыллылар!_ Спартакиадаҕа Сахабыт сирин 22 улууһуттан 755 спортсмен күүһүн холосто. Биһиги улууспутуттан 44 спортсмен ситиһиилээхтик кыттан, үрдүк түмүктэри көрдөрдүлэр! Кинилэр дьулуурдара, күүстээх санаалара, биир сомоҕо буолуулара хас биирдиибитигэр үтүө холобур буолар! *Ол курдук, үрдүк ситиһиини аҕалбыт спортсменнарбыт:* 🥇 Кыһыл көмүс мэтээллэр: • Гардиевич Александр – 100 м уонна 200 м сүүрүүгэ икки кыһыл көмүс! • Петрова Катарина – дуобакка кыһыл көмүс мэтээл! • Томская Айыына – коляскалаах сүүрүү 100 м кыһыл көмүс! 🥈 Үрүҥ көмүс мэтээллэр: • Васильева Күннэй – 100 м уонна 200 м сүүрүүгэ икки үрүҥ көмүс! • Гаврильев Эдуард – 200 м сүүрүүгэ үрүҥ көмүс! • Захарова Ульяна – ядроны быраҕыыга үрүҥ көмүс! • Аввакумова Антонина – дуобакка үрүҥ көмүс мэтээл! 🥉 Боруонса мэтээллэр: • Гаврильев Эдуард – 100 м сүүрүүгэ боруонса! • Васильев Василий – дуобакка боруонса мэтээл! • Андреева Джулияна – дуобакка боруонса мэтээл ылла! Хамаанданан ситиһиилэрбит: • Голболга дьахталлар хамаандата – 3-с миэстэ! • Голболга эр дьон хамаандата – 3-с миэстэ! • Чэпчэки атлетикаҕа хамаанданан – 2-с миэстэ! • Дуобакка хамаанданан – 3-с миэстэ! • Волейболга эр дьон хамаандата – боруонса мэтээл уонна кубок! Түмүккэ, биһиги улууспут хамаанданан бочуоттаах 3-с миэстэни ылан, улахан кубогынан наҕараадаланна! Бу үрдүк ситиһиилэрбитигэр сүҥкэн кылааты киллэрбит тренердарбытыгар дириҥ махталбын тиэрдэбин: • Чэпчэки атлетикаҕа дьаныардаахтык эрчийбит Григорьева Раиса Васильевнаҕа! • Голболга эрчийбит тренер Васильев Василий Васильевичка! • Волейболга эрчийбит тренер Терентьев Харлампий Николаевич! Ытыктабыллаах спортсменнарга, тренердарга уонна ыалдьааччыларга ис сүрэхтэн махтанабын! Инникитин даҕаны, күүстээх санаалаах, сыралаах үлэлээх буолан, саҥа кыайыыларга, үрдүк чыпчаалларга дьулуһа туруӈ! #ҮөһээБүлүү #Дьулуур #АдаптивныйСпорт