Үөһээ Бүлүү дьаһалтата муус устар 1 күнүттэн 30 күнүгэр диэри улуус киинигэр,нэһилиэктэ...
Үөһээ Бүлүү дьаһалтата муус устар 1 күнүттэн 30 күнүгэр диэри улуус киинигэр,нэһилиэктэргэ үлэ харыстабылын ыйын биллэрбитэ. Тэрээһин соруга – үлэ усулуобуйатын уонна харыстабылын тупсарыы, үлэ харыстабылын эйгэтигэр пропаганданы уонна информацияны тириэрдии, тэрилтэлэргэ оһол түбэлтэлэрин уонна идэни кытта сибээстээх ыарыылары аҕыйатыы. Ый устата бас билии бары көрүҥнэринэн үлэлиир тэрилтэлэр салайааччылара салааларынан үлэ харыстабылын туругун бэрэбиэркэлииллэр, тэрилтэлэригэр үлэ харыстабылын салайыы систиэмэтин балаһыанньатын хос көрөллөр, үлэ усулуобуйатын сыаналаатылар. Итини кытта медицинскэй көрүү-истии, үлэ харыстабылыгар үөрэтии уонна билиилэрин бэрэбиэркэлээһин, бастакы көмөнү оҥорууга үөрэтии ыытылынна, үлэһиттэргэ үлэ харыстабылын сокуонун ирдэбиллэрин билиһиннэрилиннэ. Тэрээһин чэрчитинэн улууска куонкурустар ыытылыннылар – «Үлэ харыстабылыгар улуус бастыҥ исписэлииһэ», оҕолорго анаан «Үлэ харыстабыла оҕолор харахтарынан» уруһуй. Маҥаастар туора турбакка,тэрээһиннэргэ бары кыттан,оҕолор улуус уруһуй куонкуруһугар суолу баттаһа үлэлэрин ыыппыттара.Элбэх субуотунньуктар буоллулар.Олохтоох дьаһалта ,сынньалаҥ киин үлэһиттэрэ бэйэлэрин күүстэринэн 1985 сыллаахха тутуллубут кулууп намыһах өттүн сарайын лииһин уларытан бүтэрдилэр.Манна элбэх инструктаж улахан үлэҕэ буолуохтаахтыҕын курдук ааспыттара.Манна оскуолабыт үлэһитэ ,физрук Саллар Артурович Томскай,Федотов Анатолий Тимофеевич көмө буолан дьаһалта аатыттан махтал туттулар.