Кыһыммытын утааран,сандал сааһы көрүстүбүт.Муус устар 18 күнэ мааны Маҥааспытыгар күөх ...
Кыһыммытын утааран,сандал сааһы көрүстүбүт.Муус устар 18 күнэ мааны Маҥааспытыгар күөх халлааҥҥа биир да былыта суох, күммүт сандааран,ылааҥы күн туран биэрдэ.Сынньалаҥ киин тэлгэһэтигэр дьон-сэргэ тоҕуоруһа муһунна."МИН ҮӨҺЭЭ БүЛҮҮ УОЛАБЫН"ырыанан үһүс кылаас уолаттара сааһы көрсөр үөрүүлээх тэрээһиммитин арыйдылар.Орто сүһүөх кыргыттара флешмоб үҥкүүгэ мустубут оҕолору ыҥырдылар.Биэс түһүмэхтээх дьиэ кэргэнинэн күрэххэ эдэр ыаллар оҕолорунаан кыттан,дьон сэҥээриитин ылыахтарын ыллылар.Түмүккэ Александр Осипов,Фекла Токоемова уоллара Стастыын бастакы,Геннадий Николаев,Сайыына Николаева кыыстара Сарданалыын иккис,Мыскат Мыскатов,Анжелика Шарина бырааттара Максимныын үһүс буоллулар.Кыайыылаахтар мэтээлинэн ,дипломунан наҕараадаланнылар.Оҕолор сүһүөхтэринэн сыал ытыыга,корнхолга,велосипедынан күрэххэ,хаар башня тутууга,ватрушканан оҕо соһуулаах сүүрүүгэ уонна да атын көрдөөх оонньууларга олус көхтөөхтүк кытыннылар.Атыы-эргиэн күргүөмнээхтик ыытылынна.Ас-үөл да атыыланна.Күммүт олус сэргэхтик ааста.Мантан салгыы олохтоох модельнай библиотекаҕа "Библионочь-2026"тэрээһиҥҥэ кытта барыы буолла.