Саха Өрөспүүбүлүкэтин күнүнэн үрдүнэн муус устар ыйга "Куйаар далай түһүлгэ"(Священный ...
Саха Өрөспүүбүлүкэтин күнүнэн үрдүнэн муус устар ыйга "Куйаар далай түһүлгэ"(Священный круг)оһуокай тылын этээччи ыччаттарга туһуламмыт күрэх нэһилиэктэринэн киэҥ хабааннаахтык салҕана турар.Бүгүн мааны Маҥааспыт сынньалаҥ киинигэр ыытылынна.Күрэх сыала-соруга норуот барҕа баайын тылынан уус-уран айымньытын ураты көрүҥүн-оһуохайы киэҥ эйгэҕэ ьаһаарыы,эдэр ыччаты уһуйуу,саҥа талааннары арыйыы буолар. Ыччаттартан Маҥаас орто оскуолатын учуутала Марианна Аркадьевна Омукова,олохтоох дьаһалта кылаабынай специалиһа Күннэй Николаевна Дьячковская уонна оҕолортон саҥа холонон үһүс кылаас үөрэнээччитэ Айыллаана Копырина эттилэр.Сынньалаҥҥа сахалыы остуол оонньууларыгар көхтөөхтүк кытыннылар. "Куйаар далай түһүлгэтэ"оҕону,ыччаты,эдэри-эмэни биир сиргэ мунньан,дьоһуннаах дьоро күн ааста.