💟*Үтүө дьыала — пааркаҕа саҥа тыын* — 26 июня 2026 г. в 10:48:31.516
💟*Үтүө дьыала — пааркаҕа саҥа тыын* Бүгүн, сайын биир үтүө күнүгэр, Сүлэ нэһилиэгин сынньалаҥ пааркатыгар «190 үтүө дьыала» аахсыйа чэрчитинэн 47-с үтүө дьыала тэрээһинэ буолла. Бу тэрээһиҥҥэ Евсеевтар дьиэ кэргэн уонна Матрена Прокопьевна сэттэ бузина, сэттэ черемуха уонна кэрэ акация мастарын бэлэхтээтилэр. Кинилэр үтүө көмөлөрүнэн кэлбит мастары уонна түөлбэ кэрэ аҥаардара олордубут сибэккиилэрин дьаһалта, култуура уонна олохтоох бибилэтиэкэ үлэһиттэрэ пааркаҕа анаммыт миэстэлэригэр олортулар. Ону таһынан выпускниктар бэлэхтээбит сибэкки ууруллар мастарыгар уонна тротуар устун өҥ-дьүһүн араастаах петуния сибэккилэрэ тиһилиннилэр. Бу күн пааркабыт өссө саҥалыы тыыннанна, киэркэйдэ. Салгыҥҥа сибэкки сыта дыргыллан, хараҕы астыннарар кэрэ көстүү чэлгийдэ. Кэнэҕэскитигэр, сыл ааһан, бу мастар лабаалара сарбынньахтанан, киэҥ күлүктээх сирдэри үөскэтэн, кэнчээри ыччат астына сынньанар сирэ буолуоҕа. Пааркабыт үүнэн-сайдан, өссө да тупсан иһиэ диэн эрэлбит улахан. Бу күн үтүө дьыалаҕа кылааттарын киллэрсибит Матрена Прокопьевнаҕа, Евсеевтар дьиэ кэргэҥҥэ уонна бары үлэлэспит дьоҥҥо барҕа махталбытын тиэрдэбит! ✍️Марина Герасимова - Кудай Сыдьаайа Эркин кыыһа