*"Оҕо Боотур-2026" күрэххэ Сүлэ нэһилиэгин уола ситиһиилээхтик кытынна.* — 3 июля 2026 г. в 10:40:34.948
*"Оҕо Боотур-2026" күрэххэ Сүлэ нэһилиэгин уола ситиһиилээхтик кытынна.* Бүгүн, от ыйын 3 күнүгэр, Дьиикимдэ нэһилиэгэр Саха Өрөспүүбүлүкэтигэр Култуура уонна Ньурба оройуонугар Успуорт сылларыгар туһуламмыт «Оҕо Боотур-2026» аһаҕас күрэҕэ буолан ааста. Күрэх 2013-2017 сыллардаахха төрөөбүт уолаттарга аналлаах. Бэйэтэ «Дыгын оонньууларын» курдук үрдүк таһымнаах ааста, күрэххэ Ньурба оройуонун элбэх нэһилиэгиттэн уонна Дьокуускай куораттан кыахтаах уолаттар күөн күрэстилэр, барыта 26 кыттааччы. Тэрийээччилэр — Дьиикимдэ нэһилиэгин «Дархан» аҕалар түмсүүлэрэ, «Сардаҥа» ийэлэр түмсүүлэрэ, нэһилиэк спортсменнара уонна «Утум» култуура киинэ. Биһиги Сүлэ нэһилиэгиттэн Николаев Ян кытынна. Кини биэс көрүҥҥэ күрэстэстэ уонна маннык ситиһиилэри ылла: 🥈 Сүүрүүгэ (400 м) — 2 миэстэ 🥈 «Таас көтөҕүү» (30 кг кумахтаах куулу көтөҕүү) — 2 миэстэ 🥉 3x3 ыстаныыга — 3 миэстэ 🔹 Хапсаҕайга — 10 миэстэ 🔹 Тутум эргииргэ — 14 миэстэ *Күрэх түмүгүнэн Ян үһүс миэстэ буолан, «Кэскил Боотур» аатын сүктэ.* "Оҕо Боотур-2026" күөҥ-күрэстэригэр ситиһиилээхтик кыттан, үһүс миэстэ буолбутунан итиитик-истиҥник эҕэрдэлиибит! Бу курдук ааттаах-суоллаах, олус эппиэтинэстээх уонна 26 оҕону кытта киирсэн, ыарахан күрэххэ кыайыыны ситиһии — улахан үлэ уонна дьулуур түмүгэ буолар. Яҥҥа инникитин даҕаны өссө үрдүк чыпчааллары дабайарыгар, өссө да элбэх кыайыылары, үрдүк үктэллэри баҕарабыт!✊ Даҕатан эттэххэ, бу маннык күрэхтэр оҕо эбии тулуурдаах, дьоҕурдаах, чөл туруктаах, чиэһинэй буолуутугар уонна төрүт култуураны умнубат буоларыгар олус улахан оруолу оонньууллар. ✍️Марина Герасимова - Кудай Сыдьаайа Эркин кыыһа