Бүгүн, от ыйын 13 күнүгэр, «Мичээр» уһуйаан кэлэктиибин үлэһиттэрэ «190 үтүө дьыала» бы... — 13 июля 2026 г. в 13:35:54.322
Бүгүн, от ыйын 13 күнүгэр, «Мичээр» уһуйаан кэлэктиибин үлэһиттэрэ «190 үтүө дьыала» бырайыак чэрчитинэн 52-с үтүө дьыалаларын оҥордулар. Кинилэр ИП Андреев Григорий Григорьевич саҥа сваркалаан оҥорон туруорбут «Сүлэ нэһилиэгэ» стелатын күрүөтүн кырааскалаатылар. «190 үтүө дьыала» хамсааһын Сүлэ нэһилиэгэр бу сыл саҕаланыаҕыттан ыытыллар. Бүгүҥҥү күҥҥэ нэһилиэк олохтоохторо, тэрилтэлэр уонна урбаанньыттар 52 үтүө дьыаланы оҥордулар. «Мичээр» уһуйаан кэлэктиибигэр нэһилиэкпит туһугар үлэҕит-хамнаскыт, кыһамньыгыт иһин улахан махталбытын тиэрдэбит! Үтүө дьыала үксээн, үтүө санаа тэнийэн истин, Сүлэ нэһилиэгэ үүнэ-сайда турдун!
127 просмотров