🏹 Сүлэ нэһилиэгэр төрүт оҕунан ытыыга маастар-кылаас ыытылынна! — 9 августа 2026 г. в 07:46:54.909
🏹 Сүлэ нэһилиэгэр төрүт оҕунан ытыыга маастар-кылаас ыытылынна! Сүлэ нэһилиэгин "Сахсахаан" диэн кэрэ-бэлиэ сиригэр саҥа туристическай база аһыллар күнүн баттаһа олус интэриэһинэй уонна туһалаах тэрээһин ыытылынна. Сүлэ нэһилиэгэр ох саа көрүҥүнэн кэлиҥҥи сылларга Алиана-Чээнэ Андреевна салалтатынан дьарыктанан үгүс ситиһиилээх спортсменнардаахпыт. Нэһилиэк баһылыга Дмитрий Юрьевич ох саа көрүҥүн улуустааҕы федерациятын салайааччыта, спорду өрө тутар баһылыктартан биирдэстэрэ буолар. Сүлэ нэһилиэгин олохтоохторо уонна ыалдьыттара сахалыы төрүт оонньуу биир көрүҥүн — оҕунан ытыыны чугастан билистилэр. Маастар-кылааһы бу көрүҥү сайыннара сылдьар маастарбыт, СӨ спортун маастара Петр Неустроев үрдүк таһымнаахтык ыытта. Ыалдьыттар сахалыы оҕунан ытыы устуоруйатын, кистэлэҥнэрин иһиттилэр, оҕу тутан, сыалы ытан боруобалаатылар, хайдах таба ытар туһунан тус сүбэлэрин үллэһиннэ. Төрүт култуурабытын уонна сахалыы төрүт көрүҥүмүтүн тарҕатааччы П.П. Неустроевка махталбытын тириэрдэбит! Спорт управлениета @gazetanyurba @ulusmedia