*Сунтаар улууһун баһылыга Анатолий Григорьев бу күннэргэ Дьокуускай куоракка үлэлиир. К... — 26 июня 2026 г. в 04:15:01.100
*Сунтаар улууһун баһылыга Анатолий Григорьев бу күннэргэ Дьокуускай куоракка үлэлиир. Кини Саха Сирин Үп миниистирин солбуйааччыта Николай Старостинныын тутаах көрсүһүүнү ыытта. Манна улуус быйылгы бүддьүөтүн боппуруостарын ымпыгын-чымпыгын ырытыстылар.* 🔹️🔹️🔹️Билиҥҥи уустук кэмҥэ үп-харчы боппуруоһа сытыытык турар кэмигэр, биллэн турар, бүддьүөт туруктаах буолуута сүрүн сыал. Онон хас сыаллаах харчыны-үбү туһаныы, тыырыы улахан хонтуруолу уонна чопчуну эрэйэр. Көрсүһүүгэ улуус олоҕун хааччыйар, тутаах социальнай боппуруостары толорор туһунан кэпсэтии барда. Анатолий Григорьев бэлиэтээбитинэн, Сунтаар улууһа тирэхтээхтик сайдар суолуттан туораабат соруктаах. Ол эрээри, ону олоххо киллэрэргэ республика таһымыттан өйөбүл уонна бииргэ үлэлээһин хайаан да наада. Тустаах министерство улуус иннигэр турар кыһалҕалары өйдүүрүн уонна күүс-көмө буоларга бэлэмин биллэрдэ. _Сунтаар улууһун дьаһалтатын пресс-сулууспата_