Устьеҕа күүстээх санаалаах уолаттар - «Быыһааччы» лааҕыр сезона түмүктэннэ — 25 июня 2026 г. в 08:28:34.247

Устьеҕа күүстээх санаалаах уолаттар - «Быыһааччы» лааҕыр сезона түмүктэннэ Сунтаар улууһун быыһааччылара сыл ахсын ситиһиилээхтик тэрийэр «Спасатель» диэн уолаттарга аналлаах сайыҥҥы лааҕырдара быйыл эмиэ дьоһуннаахтык үлэлээтэ. Быйылгы сезоҥҥа улуус араас нэһилиэктэриттэн мустубут 16 хорсун уолаттар Устье сиригэр, айылҕа кэрэ тулатыгар дьарыктанан быыһааччы уустук идэтин, сүрүн укулаатын кытта билистилэр. 21 хонук устата уолаттар уопуттаах инструктордар салайыыларынан сплав, бастакы көмөнү оҥоруу, экстремальнай балаһыанньаҕа бэйэни тургутуу курдук араас интэриэһинэй уонна практическай дьарыктары аастылар. Быйылгы лааҕыр биир уратытынан уонна кэрэхсэбиллээх өрүтүнэн Анал байыаннай дьайыы кыттыылаахтара бэйэлэринэн үөрэҕи ыыттылар. Кинилэр уолаттарга эдэр быыһааччыларга төлөрүйбэт хорсун быһыы уонна Ийэ дойдуга бэриниилээх буолуу туһунан чахчы олохтоох холобурдары көрдөрдүлэр, бэйэлэрин баай уопуттарыттан үллэһиннилэр. Анал байыаннай дьайыы кыттыылааҕа, «Хорсунун иhин» мэтээллээх Потапов Михаил Леонидович сырдык кэриэһигэр лааҕыр оҕолоругар пейнтболга күрэхтэһии ыытылынна. Оҕолор мэтээлинэн, грамотаннан уонна бирииһинэн наҕараадаланнылар.