Актанышта «Җиңү диктанты» узды

Актанышта «Җиңү диктанты» узды Актаныш технология техникумында халыкара «Җиңү диктанты» акциясе оештырылды. Чарада студентлар, укытучылар, ата-аналар һәм кунаклар катнашып, Бөек Ватан сугышы тарихы буенча белемнәрен сынады. Диктант башланыр алдыннан махсус хәрби операциядә һәлак булган якташлар истәлегенә аллеяда чәчәкләр салынды. Район башлыгы Ленар Зарипов та чарада катнашты. Техникум укытучылары һәм студентлары акциядә ел саен актив катнаша. Быел да кунаклар арасында Әфган, Чечня сугышлары һәм махсус хәрби операция ветераннары булды. Сораулар төрле дәрәҗәдә әзерләнгән: маршал Георгий Жуковка багышланган биремнәр дә урын алган. Катнашучылар алдан әзерлек белән килгән. «Җиңү диктанты» районның башка мәктәпләрендә дә узды, анда да укучылар һәм укытучылар актив булды.