Маҥнайгы кылаастар төрөппүттэрин мунньаҕа буолан ааста.
Маҥнайгы кылаастар төрөппүттэрин мунньаҕа буолан ааста. Бэҕэһээ, балаҕан ыйын 2 күнүгэр, маҥнайгы кылаастар төрөппүттэригэр оскуоланы кытта билсиһии уопсай мунньаҕа буолла. Оскуола дириэктэрэ Валентина Софронеева оскуола историятын сырдатта уонна ордук суолталаах үөрэх дьыла саҕаламмытынан эҕэрдэлээтэ. Үөрэх түмүгүн туһунан дириэктэри солбуйааччы Мария Алексеева кэпсээтэ уонна ордук болҕомтону оскуола туох технологиянан үлэлиирин иһитиннэрдэ. Дириэктэри солбуйааччы Степан Ноев оскуолаҕа оҕо сайдар эйгэтин тэрийиигэ туох-ханнык үлэ ыытылларын, оскуола үтүө үгэстэрин, иитии-үөрэтии чааһын арыйан сэһэргээтэ. Оскуола соцпедагога Раиса Сыроватская социальнай паспорт хайдах толорулларын, льготниктарга итии аһылыгынан, транспортнай каартанан хааччыйыы хайдах быһыылаахтык оҥоһулларын кэпсээтэ. ОБЗР учуутала, подполковник Егор Жерготов оскуола иһинээҕи куттала суох буолууга, суол быраабылатыгар (ПДД, световозвращатель, парковка уо.д.а.), аҕа сүбэтин үлэтигэр ордук болҕомтону хатаата. Онтон салгыы кылаастарынан бастакы мунньахтарыгар тарҕастылар. Санатар буоллахха, быйыл 3 кылаас арыллан үлэтин саҕалаата. Олус уопуттаах кылаас салайааччылара Хомподоева И.В., Корякина Л.А., Сивцева М.Е. илиилэригэр ыллылар. Төрөппүттэр оскуоланы кытта бииргэ үлэлэһиэхтэрэ диэн эрэнэбит. #Родсобрание #ТөрөппүтМунньаҕа