Балаҕан ыйын 25-26 күннэригэр Саха Өрөспүүбүлүкэтин судаарыстыбаннаһын күнүн көрсө араа...
Балаҕан ыйын 25-26 күннэригэр Саха Өрөспүүбүлүкэтин судаарыстыбаннаһын күнүн көрсө араас тэрээһиннэр буоллулар. Ол курдук, бээтинсэ күн 5-11 кылаастарга аналлаах "Судаарыстыбаннас күнэ" линейкалар буоллулар. Оҕолор Саха сирин судаарыстыбаннаһын ылыытын историятын туһунан кылгас видеороликтары көрдүлэр, учууталлар бэрт кэрэхсэбиллээх иһитиннэриилэри ыыттылар. Бу күн оҕолор сахалыы таҥнан-симэнэн кэлбиттэрэ көрүөххэ үчүгэй. Ону таһынан история учууталлара "Уроки гражданственности" тиэмэҕэ үөрэтэр кылаастарыгар тематическай уруоктары ыыттылар. Активист да оҕолорбут хаалсыбаккалар, 6-7 кылаастарга киирэн Саха сирин судаарыстыбаннаһын күнүгэр аналлаах квиз тэрийдилэр. Итиэннэ 1 этээскэ бу өрөгөйдөөх күҥҥэ аналлаах кинигэ быыстапката уонна информационнай экранынан документальнай киинэлэр көһүннүлэр. #СудаарыстыбаннасКүнэ #ДеньГосударственностиРСЯ #НавигаторыДетства