Оскуола ыраас, сылаас буоларыгар кыһаллар үлэһиттэргэ истиҥ эҕэрдэ уонна махтал👏
Оскуола ыраас, сылаас буоларыгар кыһаллар үлэһиттэргэ истиҥ эҕэрдэ уонна махтал👏 Саха гимназиятын өрөгөйдөөх үбүлүөйүн тэрээһиннэрин иһинэн гимназия үлэһиттэрин уонна өр сылларга бииргэ үлэлэспит дьоммутун кытта үтүө үгэскэ кубулуйбут күһүҥҥү ирэ-хоро кэпсэтии буолан ааста. Бу тэрээһин техперсонал - административнай-хаһаайыстыбаннай чаас үлэһиттэригэр ананна. Көрсүһүүгэ билигин үлэлии сылдьар дьону-сэргэ, гимназиябытыгар уһун сыллар тухары үлэлээбит ытыктабыллаах үлэһиттэр муһуннулар. Итии чэйдээх сандалы тула олорон, урукку кэмнээҕи ырыалары ыллаатылар, оскуола олоҕуттан сырдык өйдөбүллэри ахтан-санаан аастылар. Тэрээһин дириҥ ис хоһоонноохтук ааста. Гимназия дириэктэрэ Валентина Васильевна Софронеева кыттыыны ылла, гимназияҕа өрүү ыраас, сылаас уонна бэрээдэктээх эйгэни олохтуур, үөрэх-иитии хаамыытын тирэҕинэн буолар сыралаах үлэлэрин иһин махтанна. Хаһаайыстыбаннай сулууспа биир ситимнээх үлэтэ - оскуола олоҕун бүттүүнүн акылаата буоларын тоһоҕолоон бэлиэтээтэ. Бу көрсүһүүгэ кэлбит бары дьоҥҥо махтал сурук уонна өйдөбүнньүк бэлэхтэр туттарылыннылар. Маннык көрсүһүүлэр көлүөнэлэр ситимнэрин бөҕөргөтөр, гимназиябыт дьиэтигэр-уотугар ураты эйгэни олохтуур үтүө үгэскэ кубулуйда. #СахаГимназия25сыла #СГ25 #ӨрөгөйдөөхДэкээдэ