🎭Олоҥхо тыйаатырын кытта кыттыгас бырайыак сүрэхтэннэ!
🎭Олоҥхо тыйаатырын кытта кыттыгас бырайыак сүрэхтэннэ! Саха сиригэр Култуура сылын чэрчитинэн "Күүрээннээх тыллаах күүстээх-уохтаах Көмүс Күөгүлээн бухатыыр" оҕолорго аналлаах үҥкүүлээх-битиилээх испэктээк А.Е. Кулаковскай аатынан Норуоттар доҕордоһууларын дьиэтин сыанатыгар турда! Олоҥхо тыйаатырын "Олоҥхо дойдута" устуудьуйа уонна Саха гимназиятын 3в кылааһа кыттыгас бырайыактара үгүс дьону түмтэ. Кылаас салайааччыта Кондакова С.В. төрөппүттэри сомоҕолоон олус истиҥ испэктээк күн сирин көрдө. Испэктээк сыанаҕа толору турара олус сыралаах үлэни ирдиир. Ол курдук, бу олоҥхо ааптара СӨ үтүөлээх артыыһа Валентин Исаков илэ бэйэтинэн оҕолору кытта сыанаҕа оонньоспута айымньыны өссө тупсарда. Туруорааччы режиссерунан СӨ култууратын туйгуна Екатерина Толбонова ылсыбытын бэлиэтиир оруннаах. Таҥас-сап худуоһунньугунан СӨ култууратын туйгуна Зинаида Максимова, норуот уус-уран айымньытын уһуйуутунан Муксунова Д.М. култуура дьиэтин бары үлэһиттэрэ уонна биллэн туран 3в кылаас түмсүүлээх төрөппүттэрэ күүстэрин, сыраларын-сылбаларын уурдулар. Олоҥхоҕо оонньуур оҕолорбут уонна көрөөччү үөрэнээччилэрбит олуһун диэн астыннылар. Олоҥхо дириҥ ис хоһоонун өйдөөбүттэрин, оонньооччулар тойугунан уонна хамсаныыларынан көрдөрөллөрүн сэргээбиттэрин биллэрэн уҕараабат ытыс тыаһын анаабыттара, сэҥээрэн саҥа аллайбыттара туоһу буолар. Сиһилии ким туох оруолга оонньообутун, испэктээк турарыгар ким сүүрбүтүн-көппүтүн сиһилии буклекка көрүҥ. "Оскуола уонна тыйаатыр" уонна "Төрөппүт+оскуола+оҕо" үгэскэ кубулуйбут бырайыактарбыт күнтэн күн үгүс дьону сомоҕолоотуннар, саҥаттан саҥа айымньылаах бырайыактар күн сирин көрдүннэр! #ОскуолаУоннаТыйаатыр #ОскуолаТөрөппүтОҕо #ШколаИТеатра #ШколаРодительУченик #ГодКультуры #КөмүсКүөгүлээнБухатыыр