БҮГҮН ОЛУС УРАТЫ УОННА КҮНДҮ КҮН!
БҮГҮН ОЛУС УРАТЫ УОННА КҮНДҮ КҮН! Саха сиригэр Ийэ күнүн, Арассыыйаҕа Аҕа күнүн бэлиэтиибит! Саха гимназията бары аҕалары, ийэлэри бу сүдү икки төгүл үөрүүлээх бырааһынньыктарынан итиитик-истиҥник эҕэрдэлиибит! Ийэ күнүн Саха сиригэр 1993 сылтанбэлиэтиир үгэһи бастакы Президеммит М.Е. Николаев киллэрбитэ. Бу быһаарыныы дойду үрдүнэн бастакынан этэ. Ийэ барахсан сылаас холумтана, амтаннаах аһа, истиҥ сыһыана, сахалыы иһирэх сүбэ-ама тыла-өһө киһиэхэ саамай туохтааҕар да күндү. Онтон Аҕа күнүн Арассыыйаҕа2021 сылтан бэлиэтиибит. Аҕа дьиэ кэргэн тирэҕэ, дурдата-хаххата, киэҥ ыырдаах, саамай тутаах киһи. Аҕа бары үлэни үлэлииргэ, тулуурдаах, олоххобэлэмнээх буоларга бэйэтин холобурунан батыһыннара сылдьан иитэр. Хас биирдиибит күн сирин көрдөрбүт төрөппүттээх. Төрөппүттэрбитигэр амарах уонна эйэҕэс сыһыаннарыгар, биһигини көрөллөрүгэр-истэллэригэр, тулуурдарыгар уонна ыраас тапталларыгар сүгүрүйэн туран махтанабыт! Чэгиэн-чэбдик буолуҥ, дьиэҕит иһигэр өрүү ил-эйэ, уйгу-быйаҥ уйаланнын! БЫРААҺЫННЬЫГЫНАН, КҮНДҮ ДЬОММУТ!💙🩷 Саха гимназиятын салалтата