💡"Сахалыы саҥарар чэпчэки" диэн киһини кынаттыыр тыллаах олус сэргэх тэтимнээх оонньуу...
💡"Сахалыы саҥарар чэпчэки" диэн киһини кынаттыыр тыллаах олус сэргэх тэтимнээх оонньуу буолан ааста Алтынньы 23 күнүгэр төрөппүппүт Андросова Юлия Владимировна көҕүлээһининэн уонна тус бэйэтин салайыытынан "Оскуолаҕын төһө билэҕин❓" диэн 5-6 кылаастар икки ардыларыгар олус сэргэх оонньуу-күрэҕи тэрийэн ыытта. Киниэхэ кынаттара "Күөрэгэй" эдэр ийэлэр түмсүүлэрэ көмөлөстүлэр. Квиз-оонньуу гимназиябыт 25 сыллаах өрөгөйдөөх дэкээдэтин чэрчитинэн ыытыллынна. Оҕолор 4 түһүмэххэ өйдөрүн-билиилэрин тургуттулар. Оскуола туһунан араас чахчылары, бастакылартан бастакылары, гимназия историятын, оскуола иһин-таһын туһунан бэрт элбэҕи биллилэр. 🏆 Күрэх түмүгүнэн 🥇мисэтэҕэ таҕыста 6а уонна 6б кылаастар өркөн өйдөөхтөрө!👏 🥈миэстэҕэ тигистэ 6в кылаас булугас-талыгас чинчиһиттэрэ! 👏 Онтон 🥉бочуоттаах миэстэни ыллылар 5а кылаас тобуллаҕас толкуйдаах оҕолоро!👏 Кыайыылаахтар хайҕал суругунан уонна минньигэһинэн наҕараадаланнылар. Кыттыылаахтар туоһу сурук ыллылар. Ону таһынан 6а кылаас уолаттара олус ыраастык сахалыы саҥаралларын иһин "Сайдыс" оскуола аатыттан футболканан бэлиэтэннилэр. 👍 Оонньууну тэрийэн ыыппыт төрөппүппүтүгэр Юлия Владимировнаҕа уонна "Күөрэгэй" түмсүүгэ барҕа махталбытын биллэрэбит. #СГ25 #ӨрөгөйдөөхДэкээдэ #СахаГимназия25сыла #ОскуолаҕынТөһөБилэҕин #КвизОонньуу #Күөрэгэй #Сайдыс #Родком