🎓🏛Гимназияҕа оҕо сааһы эргитэр кэрэ бэлиэ түгэннэр!
🎓🏛Гимназияҕа оҕо сааһы эргитэр кэрэ бэлиэ түгэннэр! Алтынньы 24 күнүгэр «Алтан чуораан аргыстаах кэрэ кэммитин саныаҕыҥ" диэн ааспыт оҕо сааһы эргитэр, оскуолаттан кынаттаммыт кэрэ кэмнэри санатар выпускниктар көрсүһүүлэрэ олус истиҥник уонна долгутуулаахтык ааста. Бу күн араас сыл выпускниктара кэлэн тапталлаах гимназияларын үбүлүөйдээх сылынан эҕэрдэлээтилэр, үөрэппит, ииппит-такайбыт учууталларын кытта көрсөн, уруккуну-хойуккуну санаан, үөрүүлээх түгэннэрин үллэстэн бардылар. Сылаас сыһыаны уһатар олус долгутуулаах күндү түгэн буолан ааста👏 25 сыл устата биһиги оскуолабыт төһөлөөх элбэх оҕону олох киэҥ суолугар кынаттаан көтүппүтэ буолуой! Төһөлөөх билии биһигэ, доҕордоһуу уйата буолбута буолуой! Биһиги үөрэхпит кыһатын боруогуттан уопсайа 23 выпуск, ол аата, 45 кылаас кэллэктиибэ олох киэҥ аартыгар тахсыбыттара! Билигин кинилэр араас идэни баһылаан үлэлии-хамсыы, үөрэнэ-сайда, киһи сиэринэн сылдьалларын истэбит👍 Күндүтүк саныыр выпускниктарбыт, үөрэтэн таһаарбыт оскуолаҕытын, учууталларгытын махталлаахтык өрүү саныы сылдьаргыт иһин махтанабыт!🤍❤️Үөрэммит гимназияҕытынан өрүү киэн туттуҥ! Өбүгэҕит ситимин олоххут тухары илдьэ сылдьыҥ! Төрөөбүт ийэ тылгытын биһик оҥостон, бэйэҕититтэн араарбакка харыстааҥ! Урааҥхай сахалар үйэлэри уҥуордаппыт уруйдаан кэлбит үгэспитин сүрэххит түгэҕэр өрүү сөҥөрдөн өйдүү сылдьыҥ. Өйдөөҥ, өбүгэҕит күүһэ алгыстаах суолгутун кынаттыырын! Киһи буолан килбэйиҥ, саха буолан сандаарыҥ! 💚💙 Үс этээһинэн араас кэрэ бэйэлээх фотозоналар оҥоһуллубуттара киһи болҕомтотун тартылар. Кэлбит выпускниктары алгыстаах алаадьынан көрсөн, ким кэлбитин бэлиэтээн, киирэр аантан саҕалаан истиҥ эҕэрдэ тыллаах учууталлар көрсөн оҕолору өссө долгуттулар ээ бадаҕа😅. Көрсүһүүнү тэрийсибит учууталларбытыгар уонна социальнай чэбдигирдэр, омук тылын учууталларын холбоһугар барҕа махталбытын биллэрэбит. Кырдьык да, олус истиҥ уонна иһирэх көрсүһүүлэр✨ Көмүс түгэннэри ахтан-санаан ааһар киэһэҕэ өссө биир ураты иэйиилээх кэрэ күнү бэлэхтээтигит😊 #СГ25 #СахаГимназия25сыла #выпускникиСГ #ӨрөгөйдөөхДэкээдэ #АлтанЧуораанАргыстаахКэрэКэммит #СахаГимназиямӨрүүСүрэхпэр