УРАҺАЛААХ АЛААСКА КҮНҮ КӨРСҮҮ СИЭРЭ-ТУОМА ЫЫТЫЛЫННА — 20 июня 2026 г. в 19:25:26.644
УРАҺАЛААХ АЛААСКА КҮНҮ КӨРСҮҮ СИЭРЭ-ТУОМА ЫЫТЫЛЫННА Бэс ыйын 21 күнэ сыл саамай уһун, сырдык күнэ. Бу күн айылҕа уһуктар, сир-дойду чэчириир, киһи санаата сааһыланар, күүс-уох, сэниэ эбинэр бириэмэтэ Күн тахсыытын үөрүүлээх сиэрин-туомун алгысчыт Зиновий Игнатьев салайан ыытта. Кини Аар Айыыларга, Ийэ Айылҕаҕа сүгүрүйэн, уйгулаах олоҕу, чэгиэн доруобуйаны, эйэни-илгэни көрдөһөн, түһүлгэни арчылаата. Аламай маҥан күн бастакы сардаҥалара алааһы сылааһынан угуттуулларыгар, мустубут дьон илии-илиилэриттэн ылсан, биир кэлим буолан, оһуохай түһүлгэтигэр эҕэл-дьэгэл хамсаннылар. Бу ытык сиэр-туом дьон-сэргэ санаатын бөҕөргөттө, кэлэр сылга үтүөнү, сырдыгы түстээтэ. Сахабыт сиригэр эйэ, дьол-соргу, уйгу-быйаҥ тосхойдун! Мэҥэ Хаҥалас улууһун дьаһалтатын пресс-сулууспата