"МЭҤЭБИЛ БӨҔӨ КҮРЭҔЭ" КҮӨН-КҮРЭСКЭ БАСТЫҤНАРЫ БЫһААРДЫЛАР — 20 июня 2026 г. в 16:56:37.152
"МЭҤЭБИЛ БӨҔӨ КҮРЭҔЭ" КҮӨН-КҮРЭСКЭ БАСТЫҤНАРЫ БЫһААРДЫЛАР Алгыстаах ыһыах киин түһүлгэтигэр күүстээхтэр, кыахтаахтар күөн көрүстүлэр, норуот сэҥээрэр Мэҥэ Хаҥалас улууһун баһылыгын бирииһигэр нэһилиэктэр икки ардыларыгар хапсаҕайга уонна мас тардыһыытыгар «Мэҥэбил бөҕө күрэҕэ" диэн күөн-күрэс ыытылынна. Улууспут нэһилиэктэриттэн, бастыҥ бөҕөстөр, эрчимнээх ыччаттар мустан хамаанданан күүстэрин-уохтарын тургуттулар. Хас биирдии киирсии көрөөччүлэри долгутта, спорду таптааччыларга чаҕылхай түгэннэри бэлэхтээтэ. Ону таһынан, күрэхтэһии кэмигэр көрөөччүлэргэ анаан сүүйүүлээх оонньуу ыытыллан, түһүлгэ үөрүүтэ өссө үксээтэ. Тыҥааһыннаах киирсиилэр түмүктэринэн, хамаанданан бастыҥнар ааттаннылар: 🥉 III миэстэ – К.К. Байкалов аатынан хамаанда, 200 000. 🥈 II миэстэ – Герой Попов аатынан хамаанда, 300 000. 🥇 Бочуоттаах I миэстэ – Максим Горькай аатынан хамаанда, 500 000 тыһыынчалаах туоһу суруктар туттарылыннылар. Бу күрэхтэһии өбүгэ үгэһэ салҕанарын, ыччат дьон чөл олоҕу тутуһарын, дойдутугар, дьонугар-сэргэтигэр тапталын өссө төгүл дакаастаата. Мэҥэ Хаҥалас улууһун дьаһалтатын пресс-сулууспата