ҮРҮҤ ТУНАХ ЫҺЫАХ САХА СИЭРИНЭН АЛГЫС ТҮҺЭРИИТТЭН САҔАЛАННА — 20 июня 2026 г. в 13:37:52.825
ҮРҮҤ ТУНАХ ЫҺЫАХ САХА СИЭРИНЭН АЛГЫС ТҮҺЭРИИТТЭН САҔАЛАННА Бүгүн, бэс ыйын 20 күнүгэр, Ураһалаах алааспытыгар улуустааҕы Үрүҥ Тунах Ыһыахпыт ыраахтан-чугастан дьоммутун-сэргэбитин, күндү ыалдьыттарбытын түмтэ. Ыһыах саха сиэринэн алгыс түһэрииттэн саҕаланна. Айыы ситимин олохтуур, төлкөнү түстүүр, саргыны салайар, дьолу тосхойор Ыһыах алгыһын алгысчыт Денис Оконешников алҕаан ыытан түһүлгэ дьонун-сэргэтин куттарын тутан алгыс маанылаах тылларын анаата. Алгыстаах кымыс үрдүн охторон сиэр-туом толорулунна, алгыс тылларын иҥэринэ иһиппит дьон тоҥолохтуу тутуһан оһуохайга киирдилэр. Сиэр-туом түһүлгэтигэр түспүт алгыс күүһэ саргыны салайсан, үтүөҕэ үөрэтэн, үрдүккэ үүннэрдин! Алгыс баһа сыаланнын! Мэҥэ Хаҥалас улууһун дьаһалтатын пресс-сулууспата