#РОССИЯКҮНЭ #ЗабегЕдинства — 12 июня 2026 г. в 04:10:01.007
#РОССИЯКҮНЭ #ЗабегЕдинства Бүгүн, модун Россия күнүгэр, түгэхтэй алааһыгар “Забег единства" бүтүн өрөспүүбүлүкэтээҕи аахсыйанан тэриллэр сүүрүү үөрүүлээх арыллыыта буолла. Үөрүүлээх арыллыыга араас норуоттар таҥастарын кэппит түмсүүлэр, лааҕыр оҕолоро параадтаан киирдилэр. Улуус баһылыга Валерий Николаев бырааһынньыгынан эҕэрдэлээн туран, Россия гражданиннарынан буолбут Нарияна Семеноваҕа, Айсена Тарасоваҕа пааспардарын туттарда. Итиэннэ Жуков Георгий мэтээлинэн СВО кыттыылааҕа Афанасий Сагайдак бэлиэтэннэ. Хомойуох иһин хорсун саллаат биһиги кэккэбитигэр суох. Кини наҕараадатын бииргэ төрөөбүт быраатын огдообото Валентина Васильева тутта. Россия дьахталларын сойуустарын ааттарыттан бочуотунай грамотанан "Дойдум тыына" сыах салайааччыта Васма Алексеева наҕараадаланна. Улахан дьон 5, 10, 2,5 Км сүүрүөхтэрэ, оҕолор 0,5, 1 Км, 3 км скандинавтыы хаамыахтара, коляскалаах ийэлэр 1км эмиэ кыттыахтарын сөп. Үс күн устата спорт управлениетын коллектива сүүрүүктэр нобуордарын түҥэттилэр, нүөмэрдэрин биэрдилэр. Финишка кэлбит сүүрүүктэргэ мэтээллэри туттарыахтара. Россия күнүнэн ылбаҕай ырыатын Наталия Ильина, эрчимнээх үҥкүүлэрин "Сааскылаана" ансаамбыл бэлэхтээтилэр. @uoheebuluu