🍃🍃🍃 Үөрэҕирии ситимэ төрүттэммитэ 150 сылыгар аналлаах — 16 июня 2026 г. в 02:15:14.165
🍃🍃🍃 Үөрэҕирии ситимэ төрүттэммитэ 150 сылыгар аналлаах ⚜️⚜️⚜️ *«ҮӨРЭХ-БИЛИИ БИҺИГЭ – ҮӨҺЭЭ БҮЛҮҮ»* 🌸🌸🌸 *«Төрүт оонньуубут - оһуохай»* улуустааҕы ыһыахха оһуокайдьыттар күөн-күрэстэрин *БАЛАҺЫАННЬАТА* 🌟 *Күөн-күрэс сыала-соруга:* 🌱 Оһуохай билиҥҥи туругун көрүү, олохсуйан сайдар суолун торумнааһын. 🌱 Төрүт үгэскэ олоҕурбут оһуохай тулхадыйбат торумнарын дьоҥҥо-сэргэҕэ тириэрдии, тарҕатыы. 🌱 Оһуохай этээччилэри көҕүлээһин, кэскиллээх эдэр оһуохайдьыттары дьоҥҥо – сэргэҕэ билиһиннэрии. 🌱 Саха омук төрүт оонньуутун - Оһуохайы үйэтитии. ☀️ *Күөн-күрэс ирдэбиллэрэ:* ✨ *Кыттааччылар бөлөхтөрө*: o Кыра бөлөх оҕолорго (14 сааһыгар дылы) o Орто бөлөх оҕолорго (14-18 дылы саастаахтар); o Эдэр ыччат (18-35 дылы саастаах дьоҥҥо); o Улахан дьон (36-н үөһээ саастаахтарга); o Саҥа саҕалааччылар (18- н үөһээ саастаахтарга); Кыайыылаахтары быһаарар сүрүн ирдэбиллэр: ✨ Оһуохай тутула, тута хоһуйуута, ырыата, толоруу таһыма; ✨ Этэр тылын ууһа-урана, хоһоонун хомоҕойо, ис хоһоонун ситэрэн, толору арыйыыта; ✨ Оһуохай тылын этээччи туттан-хаптан сылдьыыта, куолаһын кэрэтэ, чөллөркөйө, чуора; ✨ Түһүлгэтин тутуута; ✨ Этэр тылын чуолкайа, култуурата; ✨ Оһуохай түһүмэхтэрин (киириитэ, сүрүн чааһа, көтүтүүтэ, уоскутуута) тутуһуута, толоруутун маастарыстыбата; ✨ Сахалыы таҥаһын толорута; ✨ Кыттааччылар сэрэбиэйинэн талан ылбыт уочараттарынан этэллэр; ✨ Этээччи бириэмэтэ хааччахтаммат, ол эрээри төһө уһуннук эппитэ сүрүн сыанабыл буолбат (этээччи төһө элбэҕиттэн көрөн дьүүллүүр сүбэ бириэмэ олохтуон сөп). 🌟 *Тэрээһин ирдэбиллэрэ*: 🌱 Кыттыы иһин төлөбүрэ – оҕолорго 500 солк., улахан дьоҥҥо 1000 солк. 🌱 Кыттааччы кэлэр-барар, аһылык ороскуотун бэйэтэ уйунар. 🌱 Паспорт, СНИЛС, ИНН куопуйатын илдьэ кэлэрэ булгуччулаах. 🌱 Хас биирдии кыттааччыга туоһу сурук туттарыллар; 🌱 Оһуохай этээччи кынатын ахсаана – 20 киһиттэн итэҕэс буолуо суохтаах. 🌱 Дьүүллүүр сүбэ быһаарыыта бүтэһиктээх. 🌱 Нэһилиэктэр күрэхтэрин боротокуолугар саҥа этээччи хаһыс миэстэни ылбытынан баал туруоруллар. Оһуохай күрэҕин атын хайысхаларын сыаналара уопсай боротокуолга киирбэт. 🌱 Кыттааччылар сайаапкаларын бэс ыйын 21 күнүгэр дылы cnt.printvv@mail.ru эл.аадырыска тиксэрэр. Сайаапкалар буолар күнүгэр ылыллыбаттар. 🌟 *Биһирэбил көрүҥнэрэ*: o Кыра бөлөх оҕолорго «Эһиэкэй эрэлэ» анал аат олохтонор o Орто бөлөх оҕолорго «Эһиэкэй кэскилэ » анал аат олохтонор o Эдэр ыччат «Эһиэкэй утума», анал аат олохтонор o Улахан дьон «Аан Дархан», анал аат олохтонор o Саҥа саҕалааччылар «Кэскиллээх этээччи» анал аат олохтонор o Номинация - «Бастыҥ кынат» *Сүрүннээччи:* Алексеев Андрей Иванович 89142387941, Терешкина Ульяна Спиридоновна 89148260988.