🍃🍃🍃Үөрэҕирии ситимэ төрүттэммитэ 150 сылыгар аналлаах — 16 июня 2026 г. в 02:14:30.802
🍃🍃🍃Үөрэҕирии ситимэ төрүттэммитэ 150 сылыгар аналлаах ⚜️⚜️⚜️ *«ҮӨРЭХ - БИЛИИ БИҺИГЭ –ҮӨҺЭЭ БҮЛҮҮ»* улуустааҕы ыһыахха 👑*«Сандаара Куо - 2026»*👑 кэрэ кыргыттар күөн-күрэстэрин 🌿*БАЛАҺЫАННЬАТА*🌿 🌟 *Сыала – соруга:* Саха норуотун номоҕун тыыннаабыт, ыра санаа бэлиэтинэн буолбут кэрэ кыргыттар нарын дьүһүннэрин көрдөрүү, кыыс кэрэтигэр сүгүрүйүү, эдэр ыччаты кэрэҕэ, истиҥ сыһыаҥҥа иитии, талааннаах кэрэ куолары киэҥ эйгэҕэ билиһиннэрии, өбүгэ саҕаттан илдьэ кэлбит сиэргэ – туомҥа уһуйуу. 🌟 *Күөн - күрэс ирдэбилэ:* 🌱 Күөн-күрэскэ 18 – 25 дылы саастаах кэрэ кыргыттар кыттыыны ылаллар. 🌱 Күөн-күрэс икки түһүмэҕинэн ыытыллар. 🌱 *Бастакы түһүмэх* – бэс ыйын 21 күнүгэр, 16.00 ч. Олоҥхо дьиэтигэр. 🌱 *Иккис түһүмэх* –«Алгыс» түһүлгэҕэ, гала – кэнсиэргэ. 🌱 Кыттааччылары билиһиннэрии түһүмэҕэр сахалыы таҥас ирдэнэр. 🌱 Спортивнай, танцевальнай флешмоб репетицията бэс ыйын 15 күнүттэн Олоҥхо дьиэтигэр саҕаланар. 🌟 *Күөн - күрэс түһүмэхтэрэ*: 1. *«Кыыс – күн айбыт, анаабыт оҕото»:* 🌱 Экраҥҥа бэйэтин туһунан билиһиннэрэр 3 мүнүүтэттэн уһуна суох видеоролик. 2. *«Кыыс ырыа, музыка дорҕооно»* – талба талааны көрдөрүү. 3. *«Кыыс оҕо кынтайа кылбаара хаамарын, көмүстээх күн уота арыаллыыр»*– бэлэм брендовай таҥастарынан дефиле. 4. *«Бары бииргэ, бары тэҥҥэ»* - спортивнай, танцевальнай флешмоб. 5. *“Кыыс солкоҕо, саарбаҕа сууланан”* – киэһээҥҥи мааны таҥаһы көрдөрүү. 🌟*Тэрээһин ирдэбиллэрэ:* 🌱 Кыттыы иһин толорооччуттан - 1000 солк. 🌱 Кыттааччы кэлэр-барар, аһылык ороскуотун бэйэтэ уйунар. 🌱 Паспорт, СНИЛС, ИНН куопуйатын илдьэ кэлэллэрэ булгуччулаах. 🌱 Кыттааччылар сайаапкаларын бэс ыйын 12 күнүгэр дылы vvcnt@mail.ru эл.аадырыска тиксэрэр. Сайаапкалар буолар күнүгэр ылыллыбаттар. 🌟 *Биһирэбил көрүҥнэрэ:* «Сандаара Куо- 2026» - Кылаан Чыпчаал. 6 кэрэ кыргыттарга анал ааттар (номинациялар) олохтонуохтара; Хас биирдии кыттааччыга туоһу сурук туттарыллар; Дьүүллүүр сүбэ быһаарыыта бүтэһиктээх, ырытыллыбат. 🌟 *Сүрүннээччилэр:* Николаева Кэрэчээнэ Софроновна 89841045127, Кардашевская Саргы Аскалоновна 89681535509.