Россияҕа Норуоттар Сомоҕолоһууларын, Саха сиригэр Культура сылынан уонна улууспутугар Ү... — 23 июня 2026 г. в 12:41:44.680
Россияҕа Норуоттар Сомоҕолоһууларын, Саха сиригэр Культура сылынан уонна улууспутугар Үөрэҕирии ситимин 150 сыллаах үбүлүөйүгэр анаммыт Үрүҥ Тунах ыһыахха нэһилиэктэр икки ардыларыгар ыытыллар күрэхтэһии Муӈутуур кыайыылааҕар сүрүн бириис УАЗ микроавтобус туттарыллыа. Ол курдук, бэс ыйын 24-25 күннэригэр улуустааҕы ыһыахха нэһилиэктэр икки ардыларыгар 7-лии көрүӈӈэ культуура уонна спорт күрэхтэрэ ыытыллыахтара. Култуураҕа: «Сандаара Куо-2026», «Учуутал – эн үрдүк ааккынан!» учуутал дьиэ кэргэттэрин, саха таҥаһын, дэгэрэҥ, норуот ырыаларын, оһуохай, тойук күрэхтэрэ ыытыллыахтара. Онтон спортивнай чааһыгар: хапсаҕайга, хомуур хапсаҕайга, ат сүүрдүүтүгэр, Мордьонноохоп оонньууларыгар, эстафетаҕа, ох саанан ытыыга уонна атах оонньууларыгар күөн күрэстэргэ нэһилиэктэр бастыӈ спортсменнара киирсиэхтэрэ. Күрэхтэр түмүктэринэн кыайыылааҕынан тахсыбыт нэһилиэк быйылгы ыһыах сүрүн бирииһин – «УАЗ» микроавтобуһунан биһирэниэ. Сүрүн бириис спонсордара: "Алмазэргиэнбанк" АКБ, "Якутскэнерго" ПАО, "Якуткгазпроект" ХЭТ, "Түмсүү" СПОК, "Алтан" ХЭТ, "ТЭСК" ХЭТ, урбаанньыт Александрова А. А., урбаанньыт Антонов А. И., урбаанньыт Николаев Э.В. Маны таһынан, «Газпром недра» ПАО спонсордаан, 2-с миэстэни ылбыт нэһилиэк 200 тыһ., онтон 3-с миэстэҕэ тахсыбыт нэһилиэк 100 тыһ. солкуобай харчынан бирииһи тутуохтара. Түмсэн, сомоҕолоһон, ыһыах сүрүн бирииһин иһин чиэһинэй, көхтөөх, интэриэһинэй, иллээх-эйэлээх киирсиигэ ыҥырабын! #ҮрүҥТунахыһыах #Үөрэҕирии150сыла #ҮөһээБүлүүЫһыаҕа