🔷Бүгүн Дүллүкү нэһилиэгин тыатын хаһаайыстыбатын исписэлииһэ Николай Анатольевич Седал... — 15 июля 2026 г. в 13:26:12.279
🔷Бүгүн Дүллүкү нэһилиэгин тыатын хаһаайыстыбатын исписэлииһэ Николай Анатольевич Седалищевы кытары бааһына үлэтин, үүнүү туһунан кэпсэттибит. Улууска киэҥник биллэр Дүллүкү хаппыысталаах "Быйаҥ" хаһаайыстыбатыгар - салайааччы Васильев Василий Васильевич кэргэнинээн Евдокия Ивановналыын үлэлииллэр. Кинилэр быйылгы дьылга уопсайа нэһилиэк тас өттүгэр 2 га сиргэ хаппыыста уонна 2 га сиргэ хортуоппуй үүннэрбиттэр."Ринда" уонна "Бухарест" диэн суортары олордубуттар. Хаппыыстаны көрүүгэ олордууттан саҕалаан быһыытыгар тиийэ сылын аайы нэһилиэк ыаллара, тэрилтэлэрэ көмөлөһөллөр. Быйыл уопсайа 10 ыал уонна Дүллүкү орто оскуолата көрөллөр. Билиҥҥи туругунан. хаппыыста этэннэ үүнэ турар. Толоруллуохтаах бары агротехническэй үлэлэр кэмигэр ыытыллан иһэллэр. Хортуоппуй да үүнүүтэ үчүгэй. "Быйаҥ" хаһаайыстыба сүрүннээн Бүлүү бөлөх улуустарын: Ньурба, Үөһээ Бүлүү, Бүлүү улуустарын олохтоох хаачыстыбалаах, минньигэс хаппыыстанан хааччыйар. Бары кэтэһэр, сыл ахсын астына атыылаһар минньигэс Дүллүкүбүт хаппыыстата өлгөмнүк үүнэн тиксимтиэлээх буоллун! Васильевтар туруу үлэһит дьиэ кэргэн быйыл хаһаайыстыба тэринэн, хаппыыста олордубуттара оруобуна 30 сылын туолла!Кинилэри бу уһун, унньуктаах, таһаарыылаах үлэлэрин бэлиэ даататынан ис- сүрэхпититтэн эҕэрдэлиибит! Кинилэр ыччакка, хаһаайыстыба тэринэр дьоҥҥо бастыҥ холобур буолаллар. Маннык үлэни өрө туппут, олохтоох оҕуруот аһын дэлэппит, нэһилиэнньэни хааччыйар дьоммутунан киэн туттабыт, махтанабыт! #Тыахаһаайыстыбата #Бааһынаүлэтэ #Хаппыыста