🚜Окко киирии үгэннээн турдаҕына, уматыгынан хааччыллыы хас хаһаайыстыба ахсын биир сыт... — 14 июля 2026 г. в 13:08:46.383
🚜Окко киирии үгэннээн турдаҕына, уматыгынан хааччыллыы хас хаһаайыстыба ахсын биир сытыытык турар сүрүн боппуруоһунан буолар. Биһиги улууспутугар от ыйыгар туттарга барыта 40 туонна уматык көрүллүбүтэ. "Бүгүҥҥүттэн "Саханефтегазсбыт" АУо заправкатыттан хаһаайыстыбалар уматыгы ылан саҕалаатылар.Биир бастакынан Кэнтиктэн кэтэх хаһаайыстыбалаах Николай Кырджагастыров киирэн "Саханефтегазсбыт" АУо заправкатыттан 100 лиитэрэ уматыгы ылан куттан барда. Бастакы саҕалыыр уматыгы ылыыга улуустааҕы тыа хаһаайыстыбатын начаалынньыгын солбуйааччыта Василий Васильевич Андреев уонна Кэнтик тыатын хаһаайыстыбатын исписэлииһэ Александр Николаевич Тарагаев сылдьыстылар. "Уматыгы ылбыт кэтэх хаһаайыстыбалаах Николай Ильич төбөнөн сүүрбэччэ сүөһүлээх, онтон ыанар ынаҕа - сэттэ. Ону таһынан сылгылардаах. Бу тыа хаһаайыстыбатынан дьарыктанааччыларга, хаһаайыстыбаларга уматыгы нэһилиэк баһылыктара бигэргэппит испииһэктэринэн эрэ бэриллэр",- диэн улуустааҕы тыа хаһаайыстыбатын управлениетын начаалынньыга Семен Семенович Васильев кэпсээтэ. #Тыахаһаайыстыбата #ГСМ #Оттооһун