Бүгүн, от ыйын 14 күнүгэр, Үөһээ Бүлүүтээҕи Ис дьыала отделын начальнига, полиция подпо... — 14 июля 2026 г. в 05:11:16.195

Бүгүн, от ыйын 14 күнүгэр, Үөһээ Бүлүүтээҕи Ис дьыала отделын начальнига, полиция подполковнига Альберт Павлович Николаевы кытта саҥа тутулла турар полиция дьиэтин тутуутун хаамыытын бэрэбиэркэлээтибит. Тутууну «Кинг-95» хааччахтаммыт эппиэтинэстээх тэрилтэ ыытар. Билигин манна 60 киһи үлэлии сылдьар. Тутуу прораба Федор Болтоков иһитиннэрбитинэн, объект 45 % түмүктэммит, ыйыллыбыт болдьоххо - 2027 сылга үлэҕэ киирэр туруктаах. Тутуу ылыныллыбыт графиктан эрдэлээн иһэр, сотору кэминэн ититиигэ холбоноро былааннанар. Матырыйаала барыта баар, үбүлээһинэ толору оҥоһулла турар. Санатан эттэххэ, былырыын балаҕан ыйын 16 күнүгэр объект бастакы сваята түспүтэ. Бырайыак быһыытынан 3 этээстээх, 2850 кв.м. иэннээх, 30 метрэ уһуннаах тирдаах, 29 техника киирэр гаражтаах, сулууспалаах ыттарга анаммыт вольердаах буолара былааннанар. #Тутуу #ҮөһээБүлүү T.me/ValeriNikolaev

84 просмотров