Бүгүн улуус кииниттэн тэйиччи сытар, биир саамай уустук суоллаах-иистээх Маҥаас нэһилиэ... — 23 июля 2026 г. в 08:28:51.442
Бүгүн улуус кииниттэн тэйиччи сытар, биир саамай уустук суоллаах-иистээх Маҥаас нэһилиэгин баһылыга Кюннэй Николаевна Дьячковскаялыын көрсөн кэпсэттибит. Билигин Маҥаастарга саамай тирээн турар сытыы кыһалҕаларын – Боотулуу-Маҥаас суолун оҥорууга туох үлэ барыахтааҕын дьүүллэстибит. Былаан быһыытынан, быйылгы сылга бу хайысхаҕа 1 км суол оҥоһуллуохтаах. Уопсайынан, 2028 сыл бүтүөр диэри Чоҥороҕо диэри 3,5 км суол оҥоһуллара былааннанар, ол үбүлээһинин боппуруоһун бу көрсүһүүгэ дьүүллэстибит. Күн бүгүҥҥү туругунан, күүстээх ардахтар кэннилэриттэн бэдэрээччит тэрилтэ тахсан үлэтин саҕалыахтаах. Салгыы бэкээринэҕэ, маҕаhыыннарга, тыа хаhаайыстыбатынан дьарыктанааччыларга уматык тиэйиитин, нэһилиэк иһинээҕи уулуссалар суолларын оҥоруу уонна 2026 сылга олохтоох көҕүлээһини өйүүр бырагырааманан (ППМИ) барар үлэ тула кэпсэтистибит. Маны таһынан, Кюннэй Николаевна Маҥаас нэһилиэгин булчуттара Николай Николаевич Васильев салайыытынан быйыл тыатааҕыны бултаабыттарыгар тыа хаһаайыстыбатын управлениетыттан төлөнүөхтээх көмө харчыларын биэриини түргэтэтэргэ, салгыы бултаһар усулуобуйаны тэрийэргэ туруоруста. Нэһилиэгин олоҕо-дьаһаҕа тупсарын туһугар күүскэ, далааһыннаахтык үлэлии-хамсыы сылдьар эдэр баһылык Кюннэй Николаевнаҕа уустук, эппиэтинэстээх үлэтигэр ситиһиилэри баҕарабын! http://T.me/ValeriNikolaev #Маҥааснэһилиэгэ #Суолтутуута #Тыаолоҕо