Бүгүн «Үөһээ Бүлүүтээҕи ититэр хампаанньа» ХЭТ директора Айаал Ильич Прокопьевы, улуус ... — 20 июля 2026 г. в 12:16:14.991
Бүгүн «Үөһээ Бүлүүтээҕи ититэр хампаанньа» ХЭТ директора Айаал Ильич Прокопьевы, улуус баһылыгын бастакы солбуйааччыта Егор Дмитриевич Иванову, улуустааҕы промышленность, тутуу уонна инфраструктураны сайыннарыы управлениетын салайааччыта Роман Иннокентьевич Хобусаровы кытта бу саҥа тэриллибит тэрилтэ хонтуоратыгар сылдьан, үлэһи-хамнаһы билистим. Хампаанньа урукку «Ньургуһун» уһуйаан сабыллан турар дьиэтин бэс ыйыттан өрөмүөннээн, билигин 11 үлэһиттээх тиргиччи үлэлии олорор. Сотору кэминэн отоплениетын уларытан, газ оһох туруораары сылдьаллар. Бу тэрилтэ сүрүн сыалынан аныгы, экономичнай котельнайдары туруоран, муниципальнай объектары ититиинэн хааччыйыы буолар. «Үөһээ Бүлүүтээҕи ититэр хампаанньа» ХЭТ быйылгы дьылга улууска уопсайа 11 котельнайы туруоруохтаах. Билигин 2 котельнай кэлбититтэн биирэ газка холбоммут, биирэ холбонуохтаах, салгыы иһинээҕи установкалыыр, пуско-наладочнай үлэлэрэ оҥоһуллуохтара. Бастакы котельнай Н.И. Бойлохов аатынан оҕо искусство оскуолатын уонна социальнай фонд тэрилтэтин, оттон иккис котельнай Кэнтик дьаһалтатын, МФОКС-у сылааһынан хааччыйыаҕа. Үһүс котельнай Ю.Н. Прокопьев аатынан оскуолаҕа холбонуоҕа. Билиҥҥи туругунан 4 котельнайга сөптөөх теплотрассаны таҥар матырыйаал уонна комплектующайдара барыта кэлэн, сарсыҥҥаттан теплотрассаны таҥыы үлэтэ саҕаланыаҕа. Санатан эттэххэ, «Үөһээ Бүлүүтээҕи ититэр хампаанньа» ХЭТ 2025 сыл ахсынньы 5 күнүнээҕи СР ОДьКХ миниистирин бирикээһинэн бигэргэтиллибит котельнайдары децентрализациялааһын программатыгар уонна улуус баһылыгын муус устар 10 күнүнээҕи бирикээһигэр олоҕуран тэриллибитэ. Бу программа быһыытынан 7 газтаах улуус ОДьК-ларыгар децентрализацияны ыытарга былааннаах үлэ барар. #Децентрализация #ҮөһээБүлүү http://T.me/ValeriNikolaev