Айсен Николаев РФ Бэрэсидьиэнин Судаарыстыбаннай Сэбиэтин Президиумун мунньаҕар кытынна
Айсен Николаев РФ Бэрэсидьиэнин Судаарыстыбаннай Сэбиэтин Президиумун мунньаҕар кытынна Ил Дархан Айсен Николаев видеоконференциянан Россия бэрэсидьиэнэ Владимир Путин бэрэссэдээтэллээх РФ Судаарыстыбаннай Сэбиэтин Президиумун мунньаҕар кытынна. Мунньах кыттыылаахтара уопсастыбаннай тырааныспары сайыннарыы, хамсыыр састаабы саҥардыы уонна уһун болдьохтоох үбүлээһин салаатын боппуруостарын дьүүллэстилэр. Мунньах кэмигэр дойду баһылыга уопсастыбаннай тырааныспар эйгэтигэр үтүө тенденциялар баалларын, ол эрээри өссө да элбэх кыһалҕа баарын бэлиэтээтэ. Бэрэсидьиэн бу салааҕа үлэ дьиэ кэргэн, ордук элбэх оҕолоох ыаллар, олохторун-дьаһахтарын учуоттуохтааҕын тоһоҕолоон эттэ. Ону тэҥэ кини саҥа регионнарга маршрут ситимин чөлүгэр түһэриигэ уонна кэҥэтиигэ улахан болҕомтону уурарга ыҥырда. Владимир Путин троллейбустар, трамвайдар, оптуобустар, куорат таһынааҕы поездар араспысаанньанан сылдьыахтаахтарын, оттон уопсастыбаннай тырааныспарынан айан сыанатын табыгастаах оҥоруохха наадатын эттэ. «Ити курдук мегаполиска да, кыра куораттарга да, тыа сиригэр да, ыраах сытар сирдэргэ да буолуохтаах. Уонна, биллэн турар, тирэх нэһилиэнньэлээх пууннарга», — диэн бэрэсидьиэн чопчулаата. Сиһилии бу сигэнэн киирэн ааҕыҥ